Qazaqstan Respýblıkasy Tuńǵysh Prezıdentiniń kitaphanasynda «Volonter – 2016» respýblıkalyq konkýrsynyń jeńimpazdaryn saltanatty túrde marapattaý sharasy ótti, dep habarlaıdy Din isteri jáne azamattyq qoǵam mınıstrligi din isteri komıtetiniń baspasóz qyzmeti.
Baıqaý volonterlik jobalardy júzege asyrǵan, sondaı-aq 2016 jyly óz erkimen volonterlik qyzmetter atqarǵan eń úzdik volonterlik uıymdardy iriktep, marapattaýǵa baǵyttalǵan. Marapattaý rásimine Din isteri jáne azamattyq qoǵam mınıstri Nurlan Ermekbaev, QR Parlamenti Májilisiniń depýtaty Baqtııar Máken, jastar, qoǵamdyq uıymdarynyń jetekshileri, sondaı-aq, óńirlerden kelgen volonterler qatysty. «Volonterlik» – ol óz oılaryn júzege asyrýdaǵy úlken múmkindik jáne volonter bolý ol adamdar aldynda ǵana emes, ol óz-ózine degen úlken jaýapkershilik. Volonter bolý tek shyǵarmashyl jáne belsendi bolý emes, sonymen qatar batyr minezdi ári laıyqty adam bolý. Shyn júrekten jumys jasaıtyn barlyq eriktiler taza qaharman, shynaıy jáne ashyq jandar. Ár volonter joǵary marapatqa jáne qoldaýǵa laıyqty» dedi mınıstr. Respýblıkalyq konkýrsqa Qazaqstannyń barlyq óńirlerinen 150-den asa ótinish berilip, saıysqa qatysty.