Qazaqstan Respýblıkasy Tuńǵysh Prezıdenti kúni qarsańynda, sondaı-aq Qazaqstan Táýelsizdiginiń 25 jyldyǵyn toılaý aıasynda Kıevte Ýkraınanyń Ulttyq ǵylym akademııasynda «Ortalyq Azııalyq barys» kitabynyń tusaýkeseri ótti, dep jazady strategy2050.kz.
QR SIM habarlaǵandaı, kitapty Qazaqstan Respýblıkasynyń Ýkraınadaǵy Elshiliginiń qoldaýymen ýkraınalyq pýblısıst, Qazaqstan-Ýkraına qatynastary memleketaralyq ınstıtýtynyń dırektory Nıkolaı Stepanenko ázirlegen. Avtor óz eńbeginde táýelsiz Qazaqstannyń qalyptasý kezeńderine, memlekettiń damý strategııasyna basa nazar aýdarǵan. Kitapta qazaqstandyq-ýkraınalyq yntymaqtastyq bolashaǵyna erekshe kóńil bólingen. Qazaqstannyń Ýkraınadaǵy elshisi Samat Ordabaev óz sózinde Qazaqstan Respýblıkasynyń Prezıdenti Nursultan Nazarbaevtyń egemen Qazaqstannyń qalyptasýyndaǵy rólin atap ótti. Is-sharaǵa ýkraınalyq qoǵamnyń belgili ókilderi qatysty.