Foto ERA
Osy aptanyń demalys kúnderi Eýropanyń kóptegen qalalary men Soltústik Amerıkada qalyń qar túsip, kún erekshe sýytty. Sonyń saldarynan keı jerlerde elektr qýaty sónip, kóptegen jol-kólik oqıǵalary boldy, myńdaǵan áýe reısteri keıinge shegerildi. Bul týraly VVS habarlaıdy.Qalyń qar, qatty aıaz jáne kóktaıǵaq kóptegen tótenshe oqıǵalarǵa sebep bolýdy, foto AR
Skandınavııadan kelgen sýyq aýa massalary týǵyzǵan qatty aıazdan ásirese Eýropa elderiniń turǵyndary zardap shegýde. Qańtardyń basynan beri qurlyqta 20-dan asa adam úsip óldi. Olardyń kóbi mıgranttar men baspanasyzdar. 20 gradýs aıaz túsken Polshada 10 adam, qalyń qar jaýyp jatqan Italııada 7 adam qaıtys boldy. Germanııanyń ońtústigindegi taýly aýdandarda temperatýra 26 gradýsqa tómendedi. Ystanbulda 40 sm qar jaýdy. Birneshe kúnnen beri Túrkııada qatty aıaz ben qarly boran bar.Ystanbul, foto AFP
Máskeýde senbiden jeksenbige qaraǵan túni 30 gradýs aıaz boldy. Meteorologtardyń málimeti boıynsha, mundaı aıaz Reseı astanasynda 120 jyldan beri bolmaǵan. Boljam boıynsha, búgin Máskeýde kún budan da sýytady. Osyǵan baılanysty qala basshylyǵy qaýiptiń qyzǵylt-sary deńgeıin engizip otyr.Máskeýdiń ózinde 33, al Máskeý oblysynda 33 gradýs aıaz, foto ERA