Bıylǵy jyldan bastap Bilim jáne ǵylym mınıstrligi "Ata-ana saǵaty" ulttyq kúnin ótkizýdi qolǵa almaqshy. Osyǵan oraı mınıstrlik barlyq jumys berýshilerdi qyzmetkerlerin ata-analar jınalysyna qatysý úshin erterek bosatýdy suraıtyn bolady.
"Ata-ananyń bala tárbıesindegi róli tómendep ketti degen pikirmen kelisemiz. Ata-analar jınalystarǵa barmaıdy. Ata-analardyń 40 paıyzyna deıin 11 jylda múlde mektepke barmaıdy. Biz barlyq memlekettik organdar, kompanııalar, jeke sektordy ata-analardy jumystan erterek bosatýdy suraıtyn bolamyz. Olarǵa osy bir-eki kúnde ata-analar jınalysyna qatysýyna múmkindik berý kerek", - dedi mınıstr Erlan Saǵadıev búgin jastar máselesi qaralǵan Úkimet otyrysynda.
Buǵan deıin mınıstr Saǵadıev qyzmetkerlerdi jumystan ýaqytynda bosatý máselesin kótergen bolatyn. О́ıtkeni, onyń aıtýynsha, qazirgi ýaqytta jumysbasty ata-analar bala tárbıesine durys kóńil bólmeıdi.
"Jumys berýshi qyzmetkerlerdi ýaqytynda, saǵat altydan keıin ata-analardy úıge jiberse, durys bolady dep esepteımiz. Mundaı tájirıbe qajet. Ata-analardyń jumysta keshigýiniń áleýmettik baǵasy joǵary", - dedi mınıstr.