Almaty men Astanada, sondaı-aq Aqmola oblysy aýmaǵynda júrgizýshisiz taksı jobasyn pılottyq formatta iske qosý josparlanyp otyr. Bul týraly Jasandy ıntellekt jáne sıfrlyq damý mınıstrligi habarlady. Mınıstrlik ókilderiniń aıtýynsha, bastama qalalyq mobıldik pen logıstıka salasyn jańǵyrtýǵa baǵyttalǵan. Uzaq merzimdi perspektıvada joba sıfrlyq ekonomıkanyń jańa baǵytyn qalyptastyryp, bıýdjet kirisin arttyrýy múmkin, dep habarlaıdy Egemen.kz.
Qazirgi ýaqytta avtonomdy taksı naryǵynda AQSh pen Qytaı aldyńǵy orynda tur.
Sarapshylardyń boljamynsha, 2030 jylǵa qaraı avtonomdy kólik naryǵy júzdegen mıllıard dollarlyq ındýstrııaǵa aınalýy yqtımal. Keı elderde robotaksı qyzmeti dástúrli taksıden 20-30%-ǵa arzan.
Ortalyq Azııada tolyqqandy robotaksı qyzmeti áli keń taralmaǵan. Degenmen О́zbekstan men Qyrǵyzstanda «aqyldy qala» jáne ıntellektýaldy kólik júıeleri baǵytynda bastamalar talqylanyp jatyr.
Tehnologııalyq alpaýyttar jasandy ıntellektige 700 mlrd dollar ınvestısııa saldy
Qazaqstan osy tehnologııany engizýde alǵashqylardyń biri bolýǵa nıetti. Eger pılottyq kezeń sátti ótse, eldiń óńirlik deńgeıde tehnologııalyq kóshbasshylyqqa umtylýyna múmkindik týady.
Álemdegi jol-kólik oqıǵalarynyń 90%-dan astamy adam faktorynan bolady. Sharshaý, zeıinniń bólinýi, jyldamdyqty asyrý nemese mas kúıde kólik júrgizý – basty sebepterdiń qatarynda.
Al júrgizýshisiz kólikter sharshamaıdy, emosııaǵa berilmeıdi, telefonǵa alańdamaıdy jáne jol jaǵdaıyn derekter negizinde taldaıdy.
Olar LIDAR sensorlary, radarlar, kameralar jáne jasandy ıntellekt algorıtmderi arqyly aınalany 360 gradýs baqylap, bir sekýndta myńdaǵan derekti óńdeı alady.
Tehnologııa kúzette: Oral polıseıleri sıfrly júıeniń kómegimen kúdiktini ustady
Qazaqstanda jol apattary jıi tirkeletinin eskersek, qaýipsizdik faktory bul jobanyń negizgi artyqshylyqtarynyń biri bolmaq.
Uzaq merzimde robotaksı jeke avtokólikke suranysty azaıtyp, qalalardaǵy turaq oryndarynyń qysqarýyna yqpal etýi múmkin. Sarapshylardyń pikirinshe, bolashaqta kólik ıelený mádenıeti ózgerip, adamdar jeke kólik satyp alýdan góri, suranys boıynsha kólik shaqyrýdy tańdaýy yqtımal.
Sońǵy jyldary Qazaqstan sıfrlyq transformasııany memlekettik saıasattyń basym baǵyty retinde aıqyndap keledi. Elektrondy úkimet pen jasandy ıntellektti ártúrli salalarǵa engizý – sonyń dáleli. Robotaksı jobasy osy strategııalyq baǵyttyń zańdy jalǵasy sanalady.
Innovasııalyq tehnologııalar parkinde ulttyq kremnıı klasteri damıdy
Joba júzege asqan jaǵdaıda, eldiń ınnovasııalyq ımıdji nyǵaıyp, IT salasy men startap ekojúıesine serpin berilýi múmkin. Sonymen qatar Qazaqstan Ortalyq Azııada tehnologııalyq bastamalar boıynsha aldyńǵy qatarǵa shyǵýǵa múmkindik alady.