«Hat qorjyn»

Oqyrman ...rızashylyǵyn bildirdi Balalar úıine kompıýter syılady Almatydaǵy №1 balalar úıindegi 130 balanyń alpysy 3-11 jas aralyǵyndaǵy jetkinshekter bolsa, qalǵany 12-18 jastaǵy jasóspirimder. Balalar úıi basshylyǵynyń qolǵa alyp jatqan tyń bastamalarynyń biri – korporatıvtik tálimgerlik. Qalada shoǵyrlanǵan irili-usaqty kásiporyndarmen qoıan-qoltyq jumys jasaý barysynda tárbıelenýshilerge kásibı baǵdar berý sheńberinde mamandar aqyl-keńesimen bólisedi, balalardyń boıyndaǵy kásiptik daǵdylardy oıatýǵa túrtki bolady. Kánigi mamandarmen ashyq-jarqyn áńgimelesken balalardyń kásip ıesi atanýǵa degen qushtarlyǵy anaǵurlym arta túsedi. О́tken Qurban aıt merekesi qarsańynda №1 balalar úıiniń baldyrǵandaryna «Qazaqstan-Qytaı qubyry» JShS qaıyrymdylyq baǵdarlamasyna sáıkes 15 kompıýter jıyntyǵyn syıǵa tartty. Balalar úıiniń dırektory A.Shataeva kompanııa ókilderine rızashylyǵyn bildirip, qaladaǵy kásiporyndar balalarǵa kásibı baǵdar berý isine belsendi túrde atsalyssa eken degen nıetin jetkizdi. Kámshat TASBOLAT ALMATY   ...batasyn beredi Jumyla kóterilip kópir jóndedi Jańaqorǵan aýdanyndaǵy Jańaýyl eldi mekeniniń turǵyndary qashanda yntymaǵy jarasqan, yrysqa kenelgen qaýym. Aǵa býyn ókil­deriniń ónegeli jolyn búgingi aýyl jastary ardaq tutyp, eldik­tiń­ úlgi­sin pash etip keledi. Uıymshyldyqtary talaıǵa úlgi aýyl tur­ǵyn­da­rynyń aýyz toltyryp aıtarlyqtaı jarqyn isteri de kópke úlgi. Jańaýylda ótken bir jıynda aýyl jastary ózara pikirlese otyryp, «kópirdi óz kúshimizben asarlatyp, jóndeýden ótkizeıik» dep bastama kóterdi. Aýyl irgesinen ótip jatqan kanalǵa salynǵan kóne kópirdiń ábden tozyǵy jetken bolatyn. Osylaısha, aıtylǵan usynysty aýyl jastary qyzý qýattap, ortaq mámilege kelip, ózderi qaltalarynan qarjy shyǵaryp, ortaqtasyp osy kópirdi retke keltirýdi jón sanapty. Iá, «jumyla kótergen júk jeńil» demekshi, atalmysh kópirdi qaıta jańǵyrtýǵa Berik Ospanov, Meırambek Álıev, Erjan Qasenuly syndy azamattar belsene atsalysyp, júk kólikterimen qajetti qıyrshyq tas ákeldi. Al aýyl jastarynan jınalǵan qarjyǵa armatýralar men beton arasyna salýǵa arnalǵan sym-torlar, 4 tonna sement alyndy. Kópir basyndaǵy qaınaǵan qyzý eńbek­tiń ortasynda qolyna ketpen, kúregin ustaǵan aýyl belsendilerinen bas­tap jastardyń kóbi qatysty. О́tkeldi jóndep qarııalardan batasyn alǵan jańaýyldyq jastardyń osyndaı ónegeli isteri ózgelerge de úlgi-ónege. Nurmahan NAZYMHANULY  Qyzylorda oblysy, Jańaqorǵan aýdany   ...úlgi tutady Tabysqa kenelýge barlyq jaǵdaı jasalǵan Aqmola oblysy, Ereımentaý aýdany, Novomarkovka selosynyń turǵyny Tóleýhan Rombaı bul kúnderi kásibin dóńgeletip, keleshekke senimmen qaraýda. «2007 jyly Mońǵolııadan atajurtqa qonys aýdarǵan edik. Árıne, bastapqy kezde qıyndyqtar boldy. Degenmen, jergilikti ákimdik pen ondaǵy mamandardyń kómeginiń arqasynda bar qıyndyqty artqa tastap, qazir sharýamyz órge júze bastady. Alǵash kelgen kezimde aýyl ákimi Grıgorıı Samoılenkoǵa baryp, kómek, aqyl-keńes suraǵan edim. Bilikti ári adamgershiligi mol ákim meniń jaǵdaıymdy, kóp balaly ekenimdi birden túsinip, qoldan kelgenshe aqyl-keńesin aıtty. Tipti, 50 gektar shabyndyq jer alýymdy usyndy. Keıin kóp uzamaı osy azamattyń sharapatymen mal sharýashylyǵyn qolǵa aldym», dep kásipker óz kásibinen habardar etti. Onyń aıtýynsha, aýyldyq jerde shaǵyn jəne orta bızneske jur­t­shy­lyqtyń yntasy jyl sanap artyp keledi. Ásirese, aýyl turǵyndary úshin bıznesin órkendetýge negizinen mal sharýashylyǵymen aınalysý qo­laıly sanalady. «Sharýa qojalyǵymyzda 30-dan astam jylqy, 20-dan astam iri qara kútip-baǵylýda. Elimizde deni saý, erinbegen adamǵa mal asyrap, tabysqa kenelý úshin barlyq jaǵdaı jasalǵan. Sharýashylyǵymyzda bes adam eńbek etedi. Olardyń aılyǵyn ýaqytyly tólep turý – meniń min­detim. Munymen qatar, keleshekte qoı sharýashylyǵyn qolǵa alyp, ju­mysshylarymyzǵa baspana salý da josparda bar», deıdi keleshekke zor senimmen qaraǵan T.Rombaı. Aslan OSPANOV Aqmola oblysy   ...jaqsylyǵyn jetkizedi Aýylymyz ajarly, tirligimiz bazarly Men ózim ómir súrip jatqan Panfılov aýdanynda burynǵy soqpa tamdardyń ornyna sáýletti úıler salynýda. Tehnıkalyq mashınalardy esepke almaǵanda, jeńil kóligi joq otbasy kezdespeıdi. Toı-dýman, jas­tardyń túrli merekelerin ótkizetin arnaıy mádenı oryndar da jet­kilikti. 2015 jyly aýdanymyzda jańa bir mektep, 8 balalar baqshasy ashyl­sa, 2016 jyly jastar úshin sport nysany paıdalanýǵa berildi. Jańa talapqa saı meshit ashylyp, H.Hamraev atyndaǵy eski mektep ornyna jańasy sa­lynýda. Qalada jáne aýyldyq jerlerde joldar asfalttalyp, kólik kóp júretin kóshelerde baǵdarsham, elektr jaryǵy qoıyldy. «Nurly jol» jobasyna baılanysty ózim týyp-ósken Penjim aýylynyń qasynda Nur­kent qalasy men Altynkól temir jol beketi salynyp, kóptegen adam ju­myspen qamtyldy. Jastar baspanaly bolyp, olardyń alańsyz eńbek etý­leri úshin barlyq jaǵdaı jasalǵan. Osyndaı aýyly ajarly, tirligi bazarly bizdiń aýdandaǵy kóp ultty eńbeksúıgish halqymyzdyń dostyǵy men birligi ǵasyrlar boıy saqtalyp keledi. Keleshekte jas urpaqqa aıtatynym – osy qaǵıdamyzdy saqtap, jetken tabystarymyzdy odan ári molaıtyp, elimizge adal eńbek ete bereıik. Maımınam IMÁROVA, eńbek ardageri, aǵartý isiniń úzdigi Almaty oblysy, Panfılov aýdany   ...saqtandyrady Qumar oıyn qurdymǵa qulatady Kezinde karta oınap otyrǵanymyzdy kórgen ájelerimiz: «Táıt, shoshqanyń ishegin arshymaı! Qumar oıynnyń kúnási aýyr» dep zekip tastaý­shy edi. Nashaqorlyq, ishimdikke salyný dertinen kem túspeıtin qumar oıyn oınaý qanymyzǵa sińip bara jatqandaı. Oıynnyń bul túri aýyrdyń ústimen, jeńildiń astymen júrýge beıimdelgen jastarymyzdyń sanasyn ýlap jatyr. Qazir elimizdiń qaı óńirine barsań da «Keno» oıyndary men «Býk­me­ker­lik keńse» degen qaptap ketti. Oıyn avtomattarynyń janynan ótip, býkmekerlik keńsege kirip qalsań, jas demeı, kári demeı bás tigip ja­tady. Ár oıynnyń óz ereksheligi bolady eken. Al oıynǵa aralasqan adam­nyń maqsaty – jeńý. Jeńilis tapqandar ashý-yzaǵa býlyǵyp, túrli aram oılarǵa erik berip jatady. «Jyǵylǵan kúreske toımaıdy» demekshi, uty­lǵan aqshasyn qaıtarý úshin qaıta-qaıta údete oınap, bir aılyq ja­la­qysynyń basyna sý quıǵandar qanshama?! 2007 jyly «Oıyn bıznesi týraly» zań kúshine enip, kazınolar joıylǵan sııaqty edi. Sóıtsek, barlyq qumar oıyn mekemeleri Qapshaǵaıǵa kóshirilipti. Ol azdaı, qazir ońaı jolmen aqsha taýyp úırengender zańmen ruqsat etilgen «Keno avtomattaryn», «býkmekerlik keńseler» ashyp, óz isterin dóńgeletýde. Osy oraıda qumar oıynǵa qumartyp, kúnáǵa batyratyn keńselerdi jabatyn, adamdardy azǵyndyqtan qorǵaıtyn zań kerek dep oılaımyn. Nurlan TOBAǴABYL Ońtústik Qazaqstan oblysy, Maqtaaral aýdany