Elimiz aımaqtaryndaǵy kezdesýler

О́ńirdegi oń qadamdar yqylaspen ataldy

Parlament Senaty Tóraǵasynyń orynbasary Bektas Beknazarov pen senator Álı Bektaev Ońtústik Qazaqstan oblysyndaǵy Qazyǵurt jáne Tólebı aýdandarynda boldy. Jergilikti jerlerdegi kezdesýlerde aımaqty damytýdyń ózekti máseleleri týraly jan-jaqty áńgime boldy. Qazyǵurt aýdanynyń turǵyndary senatorlarǵa aýylsharýashylyq salasynyń ózekti máseleleri týraly aıtyp berdi. Aýyl eńbekkerleri janar-ja­ǵar­maımen qamtamasyz etýge, aýylsharýashylyq ónim­derin óndirýshilerdiń ekinshi deńgeıdegi bank­terdiń nesıelerine qol jetkize almaıtynyna, aýyl­sharýashylyq tehnıkalaryna lızıng baǵalarynyń joǵary bolýyna alańdaıdy. Odan basqa, Qazyǵurt aýda­nynyń turǵyndary kásiptik-tehnıkalyq meke­melerdiń jabdyqtalý deńgeıiniń tómendigi týraly máselelerdi kóterdi. B.Beknazarov pen Á.Bektaev Tólebı aýdanynda da boldy. Leńgir qalasynyń turǵyndarymen kezdesýde jańa jumys oryndaryn ashý, jastardy qoldaý, shaǵyn jáne orta bıznesti damytý, turyp qalǵan mekemelerdi qalpyna keltirý jaıy sóz boldy. Senatorlar «100 naqty qadam» Ult josparyn iske asyrý, Parlamenttiń zań shyǵarý qyzmeti týra­ly turǵyn­dardy jan-jaqty habardar etti. Aýyl eńbek­kerleri Qazaqstan Táýelsizdiginiń 25 jyldyǵyna oraı Parlament qabyldaǵan Deklarasııaǵa qoldaý bildirip, egemendik jyldarynda qol jetken oń ózgeristerdi yqy­laspen atap ótti. Baqtııar TAIJAN, «Egemen Qazaqstan» Ońtústik Qazaqstan oblysy  

Mańyzdy máseleler qozǵaldy

Parlament Senatynyń depýtaty Aqan Bıjanov Almaty qalasynda jumys babyndaǵy saparmen boldy. Dostyq úıinde senator etnomádenı jáne qoǵamdyq uıymdardyń ókilderimen, qalalyq máslıhat depýtattarymen kezdesti. A.Bıjanov bes ınstıtýttyq reformany iske asyrý jónindegi «100 naqty qadam» Ult josparyn júzege asyrý aıasyndaǵy Parlamenttiń zań shyǵarý jumysy týraly áńgimeledi. Jurtshylyq ókilderimen pikirlesý barysynda elimizdi, Almaty qalasyn órkendetý máseleleri, sondaı-aq, bilim berý, ǵylym jáne dárigerlik qamtamasyz etý jaıy qozǵaldy. Depýtat sharaǵa qatysýshylarmen «Má­denı mura» memlekettik baǵdarlamasy men Mádenı saıasattyń tujyrymdamasynda kóz­delgen jobalardy oryndaý barysyn tal­qylady. A.Bıjanov depýtattardyń zań shy­ǵarý jumystary men aldaǵy josparlary, onyń ishinde Almaty qalasynyń erekshe már­te­besin jańartýǵa baǵyttalǵan jobalar týraly habardar etti. Depýtat atap ótkendeı, qar­jy, ónerkásip, ınfraqurylymdary men sanat­kerlik áleýeti joǵary qala elimizdiń ekon­omıkalyq, ǵylymı jáne mádenı orta­lyq­tarynyń qataryna enedi.  Aınash ESALI, «Egemen Qazaqstan» ALMATY  

Túrli sala ókilderimen kezdesti

Parlament Senatynyń depýtaty Baqtybaı Shelpekov jumys babyndaǵy saparmen Mańǵystaý oblysynda júr. Senator Aqtaý qalasynda №16 orta mektepte jáne «Balbulaq» balalar baqshasynda boldy. Oqytýshylar qaýymymen kezdesý barysynda bilim berý salasyndaǵy ózekti máseleler týraly áńgime qozǵaldy. Sharaǵa qatysýshylar jergilikti bılik organdary bıýdjet salasy qyzmetkerleriniń áleýmettik máselelerin sheshýge nazar aýdaryp otyrǵanyn jetkizdi. B.Shelpekov sondaı-aq, Mańǵystaý obly­syn­daǵy birqatar memlekettik organdardyń bas­shylarymen de kezdesti. Senator aýyl sharýashylyǵy basqarmasynyń basshysy Bolat Ersaıynuly, jer qatynastary basqarmasynyń basshysy Esemurat Dúzmaǵambetov jáne veterınarııa basqarmasynyń basshysy Shamǵalı Hamıevpen agrarlyq salany damytý máselelerin talqylady. Gúlaıym ShYNTEMIRQYZY, «Egemen Qazaqstan» AQTAÝ  

Tolǵandyrǵan saýaldarǵa – tolymdy jaýap

Májilis depýtattary Meıram Pishembaev, Arman Qojahmetov, Nurlan Ábdirov, Aıgúl Nurkına, Janat Omarbekova jáne Irına Ýnjakova «ÝPNK-PV» JShS kásipornynda zaýyt basshysy Naǵashbek Áýbákirov jáne eńbek ujymymen kezdesti. Depýtattar kezdesýde eńbek­ker­lerdi qyzyqtyrǵan saýaldarǵa ja­ýap berdi. Aıtalyq, jumysshylardy zeı­netaqy reformasy men eńbek zań­namasy jaıy tolǵandyrdy. Depý­tat­tar bul saýaldarǵa tolyq jaýap berip, sáttilik tiledi. Halyqaralyq standarttarǵa saı ónim shyǵaratyn zaýyt «Pavlodar» arnaıy ekonomıkalyq aımaǵynda boı kótergen. Jańa óndiris oshaǵynyń ereksheligi sol, kásiporyn qaldyqsyz tehnologııa boıynsha jumys isteıdi. Iаǵnı, óndiristik úrdister barysynda elektr energııasyn jáne gıps mate­rıaldaryn óndirýge múmkindik bar. Bul, birinshi kezekte, qosymsha tabys kózi. Jalpy, zaýytta 320-dan astam jańa jumys orny ashylǵan. Odan soń depýtattar aýtızm aý­rýymen aýyratyn balalarǵa arnalǵan arnaıy ortalyqta bolyp, ata-analarymen áńgimelesti. Jobanyń avtory toǵyz jasar balanyń anasy Damıra Ábdirahmanovanyń aı­týynsha, bul – aýtızmmen aýyratyn balalar úshin birneshe jyl ishinde saýyǵyp ketýge jaǵdaı týǵyza alatyn birden-bir emdeý ortalyǵy. Sonymen birge, depýtattar «Kedergisiz keleshek» partııalyq jobasy aıasynda «Nur Otan» partııasy oblystyq fılıaly jumys tobymen birlese, áleýmettik nysandardyń qoljetimdiligin anyqtaý jónindegi reıdke qatysty. Farıda BYQAI, «Egemen Qazaqstan» Pavlodar oblysy  

Túsindirý jumystaryn kúsheıtýge shaqyrdy

Parlament Senatynyń depýtaty Serik Aqylbaı Qaraǵandyda oblys ákimi Nurmuhambet Ábdibekovpen aımaqtyń áleýmettik-ekonomıkalyq damý keleshegin talqylady. Depýtat Qaraǵandy oblystyq prokýratýrasynda mekemeniń jeke quramymen kezdesip, zań jo­ba­­lary­nyń Parlamentte qaralý nátıjeleri týraly habardar etti. 2016 jyly Se­nat depýtattary 106 zań qarap, qa­byldady. Kezinde jurtshylyq ara­synda keńinen tal­qylanǵan Jer kodek­sine engizilgen ózgeristerge de nazar aýdaryldy. S.Aqylbaı prokýratýra organdary zańnamaǵa ekstremızm men terrorızmge qarsy is-qımyl máseleleri boıynsha engizilgen ózgeristerdegi aza­mattardyń turǵylyqty jeri óz­ger­gen jaǵdaıda ýaqytsha tirkelý máse­lelerin túsindirý jumystaryn kúsheıtý qajettigin atap ótti. Senator, sonymen qatar, Balqash qa­la­syna baryp, «Sary Qazyna» meke­mesinde, №1 emhanada jáne «Pýls» nan kombınatynda boldy. Sondaı-aq, Prıozer qalasyndaǵy áleýmettik jáne óndiris nysandaryna bardy. Onda «Dostyq» balalar-jas­óspirimder shyǵarmashylyǵy orta­lyǵynyń, «Balaqaı» balalar baqshasynyń jáne «Aqbulaq» mem­lekettik baǵdarlamasy boıynsha sa­lyn­ǵan jergilikti sý qoımasynyń eń­bek ujymdarymen kezdesti. Depýtat «Nur Otan» partııasynyń qalalyq bó­limshesinde de boldy.  Qaırat ÁBILDINOV, «Egemen Qazaqstan»  

Májilismen operasııa jasady

Atyraýda Parlament Májilisiniń depýtattary Beıbit Mamraev, Káribaı Musyrman, Maıra Aısına, Záýresh Amanjolova jáne Baqytgúl Hamenova otandyq kásiporyndardyń jumysymen tanysyp, jumysshylarmen kezdesti. Máselen, údemeli ındýs­trııalyq-ınnovasııalyq damý memlekettik baǵ­darlamasy aıasyn­da iske qosylǵan «Aty­raý Agro Felıks» JShS-inde aýylsha­­rýa­shylyq ónimderi óńdelip, san alýan salat túrleri men kókónister qu­tyǵa sa­lynady. Munda qazir 13 adam eńbek etedi. Májilis depýtattarynyń na­zaryn aýdarǵan taǵy bir nysan – «Ji­ger­munaıservıs» JShS-inde 300-ge jýyq jergilikti turǵyn turaqty ju­myspen qamtylyp otyr. Bul kásiporyn elimizdiń munaı-gaz salasyna 16 jyldan beri servıstik qyzmet kórsetedi. Naqtylaı aıtqanda, atalǵan kásiporynda munaı uńǵymalaryn tereńdete burǵylaýǵa arnalǵan qýatty qondyrǵylar men standartty emes metall qurylǵylary qurastyrylady. Sonymen birge, munda munaı óner­kásibine arnalǵan jabdyqtardyń ból­­shekteri de, ásirese, úlken sura­nys­qa ıe burǵylaý qashaýlary shyǵarylady. Bir erekshe atap aıtar jaıt, Májilis depýtaty Záýresh Aman­jolova oblystyq perınataldy ortalyqtyń jumysymen, mundaǵy dárigerler men baýyr eti – balasyna ómir syılaǵan analardyń ahýa­lymen tanysýmen ǵana shektelmedi. Gıppokrat antyna adaldyǵyna berik­tiginen taımaıtyn «Altyn skalpel» belgisiniń ıegeri Záýresh Amanjolova munda dárigerlik mindetin atqarýǵa kiristi. Sóıtip, ortalyqta eki anaǵa operasııa jasap, qos sábıdiń jaryq dúnıege aman-esen kelýine qol ushyn sozdy. Joldasbek ShО́PEǴUL, «Egemen Qazaqstan» Atyraý oblysy  

Ustazdar qaýymymen júzdesti

Shyǵys óńirine kelgen Par­lament Máji­li­si­­niń de­pý­tattary, «Nur Otan» par­tııasy frak­sııa­sy­nyń músheleri Anar Jaıyl­ǵa­nova, Aıza­da Qurmanova, Vası­lıı Oleınık, Artýr Plato­nov jáne Aleksandr Sýs­lov bilim salasynyń qyzmet­ker­lerimen kezdesti. Júzdesý barysynda depýtattar bilim berý salasyndaǵy ózekti máselelerdi tyńdady. Saladaǵy qordalanǵan jaıttardy jaıyp salǵan ustazdar qaýymy májilismenderge 100-ge jýyq usynys pen ótinishin jetkizdi. Onyń ishinde, muǵalimniń mártebesin kóterý, áleýmettik jaǵdaıyn sheshý, alys eldi mekenderdegi muǵalimderdiń jetispeýshiligin joıý sııaqty mańyzdy máseleler aıtyldy. Kezdesýde depýtattar «Nurly jer» memlekettik baǵdarlamasy jóninde, basqa da zańnamalar týraly baıandady. Ásirese, jańa jyldan bastap qoldanysqa engizilgen zań jobalaryna aıryqsha toqtaldy. Máselen, elimizdegi terrorızm men ekstremızm qaýpiniń aldyn alý úshin tolyqtyrýlar men ózgerister engizilgen zańnama boıynsha qoǵamda qyzý talqyǵa túsken ýaqytsha tirkeýge turý týraly da áńgime qozǵaldy. – Turǵylyqty jeri boıynsha tirkeý – álemdik úrdiste bar tájirıbe jáne elimizde de joq emes. Qazaqstanda halyqty turǵylyqty jáne ýaqytsha turatyn jeri bo­ıynsha esepke alý  buryn da zań aıasynda qarastyrylyp kelgen. Atap aıtqanda, Qazaqstan Res­pýb­lıkasyndaǵy pasporttyq júıe týraly ereje, halyqty tirkeý men qujattaý erejesi jáne ishki mıg­ranttardy tirkeý erejesi bar, – dedi Anar Jaıylǵanova. Depýtattar osy jáne basqa da má­seleler boıynsha pedagogtar qaýymy tarapynan túsken saýal­darǵa jaýap berip, jiti nazarǵa alatyndyqtaryn aıtty. Dýman ANASh, «Egemen Qazaqstan» О́SKEMEN  

Áleýmettik nysandarda boldy

Parlament Senaty depýtattarynyń elimizdiń aımaqtaryna sapary odan ári jalǵasýda. Senator Erbolat Muqaev Batys Qazaqstan oblysyndaǵy áleýmettik jáne óndiris nysandarynda boldy. Depýtat Terekti aýdanynyń áki­mimen, máslıhat depýtattarymen jáne aýdan aktıvimen kezdesip, aýdandaǵy bilim berý jáne densaýlyq saqtaý nysandaryn aralady. Sondaı-aq, ol Zelenov aýdanynda bolyp, jergilikti bılik organdarynyń basshylyǵymen, shaǵyn jáne orta bıznes mekemeleriniń eńbek ujymdarymen kezdesti. Kezdesý barysynda senator azamattardy Parlament­tiń osy sessııada qabyldaǵan zańdary, sondaı-aq, elimiz­diń áleýmettik-ekonomıkalyq damýynyń strategııalyq baǵ­dar­la­masyn iske asyrý máseleleri týraly habardar etti. Temir QUSAIYN, «Egemen Qazaqstan» Batys Qazaqstan oblysy  

Áńgime ózegi – zańdardaǵy ózgeris

Senat depýtaty Olga Perepechına Soltústik Qazaqstan oblysyndaǵy Esil aýdanynda bir­qatar kezdesýler ótkizdi. Senator Iаvlen orta­lyq aýrýhanasynyń, «Pekarýshka» shaǵyn naýbaı­hanasynyń, «Egin» jáne «Zagradovskaıa» meke­meleriniń eńbek ujymdarymen júzdesti. Kezdesýler barysynda O.Perepechına Memleket bas­shy­synyń bes ınstıtýttyq reformasyn iske asyrýǵa baǵyttalǵan ári memlekettiń saıası jáne qoǵamdyq ómi­rin órkendetýge arnalǵan zańdar, Parlamenttiń 2016 jylǵy zań shyǵarý qyzmeti týraly áńgimeledi. O.Perepechına, sondaı-aq, Petropavl qalasynda ob­lystyq qoǵamdyq keńes múshelerimen, oblystyq máslıhat basshy­ly­ǵy jáne apparatymen «Qo­ǵam­dyq keńester týraly» Zańdy iske asyrý máseleleri boıyn­sha ­kezdesý ótkizdi. О́mir ESQALI, «Egemen Qazaqstan» Soltústik Qazaqstan oblysy