Qurlyqtyq hokkeı lıgasynyń turaqty chempıonatynda Astananyń «Barysy» Zagrebte jergilikti «Medveshchak» komandasymen kezdesip, 5:4 esebimen jeńiske jetti.
Jankúıerler tartysty básekeniń kýási boldy. Alǵashqy kezeńde birqatar qaýipti shabýyl oryn alǵanmen, esep ashylmady.
Matchtyń 29-mınýtynda Brendon Bochenskı mergendegimen kózge túsip, elordalyqtardy alǵa shyǵardy. Alaıda, araǵa eki mınýt salyp, aıdyn ıeleri tarazy basyn teńestirip úlgerdi. Bul joly Aleksandr Jırý nátıjeli soqqynyń avtory atandy. Degenmen, 40 sekýndtan keıin Bochenskı dýbl jasap, óz komandasyn esepte taǵy da alǵa shyǵardy.
Jan alysyp, jan berisken sátter úshinshi kezeńde boldy. 44-mınýtta Naıdjel Doýs «Medveshchaktyń» qaqpasyn dál kózdegen bolatyn. Mine, osydan keıin zagrebtikter namysqa basyp, 45-mınýtta Kırııl Voronınniń jáne 52-mınýtta Irjı Smeıkaldyń kómegimen tarazy basyn teńestire bildi.
Kezdesýdiń aıaqtalýyna úsh mınýt qalǵanda Naıdjel Doýs kezekti ret kózge tússe, 59-mıntta kanadalyq Brenadan Shınnımın jeńisti goldy soqty. Aıdyn ıelerinen Goran Bezına sońǵy sátte bir shaıba soqqanmen, qajetti nátıjege qol jetkize almady.
Osymen 48 oıynnan keıin 71 upaıy bar «Barys» «Shyǵys» konferensııasynda 6-orynda keledi. Kelesi kezdesýin 14 qańtar kúni Bratıslav qalasynda jergilikti «Slovan» komandasymen ótkizedi.