Astananyń týrıstik sımvoly boıynsha konseptýaldyq, dızaınerlik sheshimderdi tabý maqsatynda úzdik nobaı-jobasyna baıqaý jarııalandy, dep habarlaıdy elorda ákimdiginiń resmı saıty.
Baıqaý 2017 jyldyń 25 qańtaryna deıin jalǵasady. Baıqaýdy uıymdastyrýshy – «Astana qalasynyń Sáýlet jáne qala qurylysy basqarmasy» MM. Baıqaýǵa nıet tanytqan kez kelgen adam qatysa alady.
Sımvol, belgi (brend) qalanyń mártebesin, onyń týrıstik tartymdylyǵyn, kórikti jerlerin, landshaftynyń erekshelikterin jáne tarıhyn jetkizýge tıis. Sımvol jarqyn, yqsham jáne zamanaýı bolýy kerek. Tús gammasy qazaqtardyń dekoratıvti óneriniń tús jáne kompozısııalyq dástúrlerin kórsetýi shart. Týrıstik belgide qalanyń rýhyn, onyń mánin jetkizetin túpnusqa semantıkalyq sheshimderdi, grafıkalyq elementterdi, aıryqsha urandardy qoldanýǵa bolady. Týrıstik sımvol dızaın men grafıkalyq ónerdiń zamanaýı, álemdik úderisterinde oryndalýy tıis.
Baıqaý materıaldaryn 010000, Astana qalasy, Beıbitshilik kóshesi, 11, 535 kabınet mekenjaıy boıynsha, 2017 jyldyń 25 qańtary saǵat 18:00 –den keshiktirmeı tapsyrý qajet. Baıqaýdyń erejesimen myna silteme arqyly tanysýǵa bolady.