Oblystyq Tótenshe jaǵdaı departamentiniń qutqarýshylary Qostanaı-Qarabutaq» tas jolynyń boıynda qar qursaýynda qalǵan jolaýshylardy evakýasııalady, dep habarlaıdy Egemen.kz.
On úsh jolaýshy mingen jeti kólik Denısov aýdanyna qarasty Pereleskı aýylynyń mańynda qalyń qarǵa batyp qalǵan.
«Qutqarýshylar jolaýshylardyń bárin qar qursaýynan shyǵaryp alyp, joldyń tazartylǵan ýchaskesine deıin shyǵaryp saldy. Evakýasııalanǵan adamdar medısınalyq kómekten bas tartty», dep habarlady oblystyq TJD-nyń baspasóz qyzmeti.
Buǵan deıin, Abaı jáne Batys Qazaqstan oblystarynda 20-dan astam jolaýshy qar qursaýynan qutqarylǵanyn jazǵan edik.