Jeke kásipkerlik rásimdeý erejesi ózgerdi. 2017 jyldyń qańtarynan bastap jeke kásipkerlikti tirkeý úshin ótinish berý shart emes, eskertý jasasa bolǵany, dep jazady kapital.kz.
Demek, endi azamattar jeke kásipkerlik ashý úshin salyq organyna ótinish berýdiń ornyna bar bolǵany kásipkerlikpen aınalysatyny týraly eskerte salady. Almaty memlekettik kiris departamentiniń habarlaýynsha, endi azamattar kásipkerlikpen aınalysatyny týraly eskertý jibergen sátten bastap kásipker retinde sanala beredi.
Eger jeke kásipkerlikti birneshe adam birigip ashsa, onda quziretti adam barlyq músheler atynan senimhat tapsyrýy tıis.
Eskertýdi eki jolmen jiberýge bolady: elektrondy – QR elektrondy lısenzııalaý portaly arqyly nemese memlekettik kiris mekemelerine baryp qujatty qaǵaz kúıinde alyp barýǵa bolady. Eki jaǵdaı da jeke kásipkerlikti tirkeý ýaqyty bir kún.
Eskertý jiberilgennen keıin azamatqa kásipker bolǵany týraly eshqandaı da qujat berilmeıdi jáne alym alynbaıdy.