Qalanyń kóshe-jol jelilerinde keptelisti azaıtý maqsatynda «Aqyly kirýdi» engizý qarastyrylǵan. Bul týraly Jolaýshylar kóligi basqarmasynyń jetekshisi Bekmyrza Igenberdınov málimdedi, dep jazady strategy2050.kz.
«Qalaǵa kirýdi aqyly qylý boıynsha birqatar baǵyttar qaraldy. Tıimdi sheshim retinde shyǵys magıstralinde IT–sheshimi bar 6 turaqty ornatý qarastyrylǵan. Aqyly kiris 7:00-den 10:00-ǵa deıin Kókshetaý, Qostanaı, Pavlodar, Qaraǵandy, Qosshy, Qorǵaljynnan kiretin baǵytta ornatylady», - dedi B.Igenberdınov.
«Astana LRT» kólik kompanııasynyń dırektory Rústem Halılevtiń aıtýynsha, bul sheshim adamdardy avtobýspen júrýge ıtermeleıdi, al ol qaladaǵy keptelisti azaıtýǵa múmkindik beredi.
«Astanaǵa kirerde avtoturaq ashylady. Júrgizýshiler kólikterin sonda qaldyryp kete alady. Maqsat kiristi aqyly qylýda emes, qalanyń keptelisin azaıtýda», - dedi R.Halılev.
Aıta keteıik, qazirgi tańda qala mańynan 75 myń kólik keledi, onyń 30-40 paıyzy tańerteń jolǵa shyǵady.