Búgin «Astana EKSPO-2017» ulttyq kompanııasynyń Basqarma basshysy Ahmetjan Esimov EKSPO-2017 kórmesindegi Iordanııanyń ulttyq seksııasynyń Komıssary Muhallad Ál Omarı jáne Iordanııanyń QR Tótenshe jáne ókiletti elshisi Ahmed Idrıs Inabpen kezdesti, dep habarlaıdy kompanııanyń baspasóz qyzmeti.
Basqosý barysynda eki jaq EKSPO-2017 kórmesine daıyndyq máselelerin talqylady. Ahmetjan Esimov qazirgi tańda halyqaralyq qatysýshylarǵa pavılondardy tapsyrý jumystarynyń qarqyndy júrgizilip jatqandyǵyn atap ótti.
Búginde 10 memleket óz pavılondaryn alyp, taqyrypqa sáıkes mazmundyq toltyrý jumystaryna kiristi. О́z kezeginde Muhallad Ál Omarı Iordanııa Hashımıttik Koroldigine usynylǵan pavılon jáne Astanada ótkiziletin kórmede balamaly energııa kózderi boıynsha óz usynymdaryn kórsetýge berilgen múmkindik úshin alǵysyn bildirdi.
«Búgin biz Iordanııa pavılonyn kórip shyqtyq, Kórme uıymdastyrýshylarynyń atqarǵan aýqymdy jumysy kórinip tur. Biz jaqyn arada pavılondy bezendirý jumystaryna kirisetin bolamyz», - dedi Iordanııa ulttyq seksııasynyń komıssary. Sondaı-aq, QR Iordanııanyń elshisi Ahmed Idrıs Inabtyń aıtýynsha, EKSPO-2017 kórmesi ótkizilý barysynda Qazaqstanǵa Iordanııa koroli kelip, óz memleketiniń ulttyq kúnin atap ótý sharasyna qatysatyn boldy. Kezdesý sońynda kórmege qatysý kelisimsharty men pavılon tapsyrý qujattaryna qol qoıyldy. Búgingi tańda EKSPO-2017 kórmesine 112 memleket pen 18 halyqaralyq uıym qatysatyndyǵyn rastady.