AQSh Prezıdenti Barak Obama aǵymdaǵy jyldy otbasyna arnaǵysy keletinin aıtty. Ol tıisti málimdemeni óziniń qorytyndy baspasóz máslıhatynda aıtty, onyń tikeleı kórsetilimi NPR24 arnasynda júrgizildi, dep jazady QazAqparat.
«Maǵan bar keregi, alǵan úlken tájirıbemdi zerdemnen ótkizý úshin - ýaqyt qana. Jubaıymnyń janynda bolǵym keledi, taıaýda otaýlasqanymyzǵa 25 jyl bolady. Kóp jazyp, az sóılegim keledi. Qyzdarymnyń janynda kóp ýaqyt ótkizgim keledi. Bul, osy jylǵa josparlaǵan isterim», - dep atap ótti Obama.
Bul rette prezıdent, AQSh azamaty bolyp qala beretinin jáne onyń qyzdary saıasatpen aınalyspaıtynyn málim etti.
Barak pen Mıshel Obama 1992 jyly úılengen. 18 jastaǵy Malııa men 15 jastaǵy Sashany tárbıelep otyr.
Aıta keteıik, AQSh-tyń jańadan saılanǵan 45-inshi prezıdenti Donald Tramptyń ınaýgýrasııasy 20 qańtar kúni ótedi.