Amerıkalyq boksshy Emmanýel Alım (17-0-1, 10 KO) qazaqstandyq Gennadıı Golovkındi (36-0, 33 KO) aıqasqa shaqyrdy. Bul týraly sports.kz habarlady.
«Maǵan úlken jekpe-jekter kerek. Aldaǵy ýaqytta Golovkınmen kúsh synasyp kórsem deımin. Ony jekpe-jekke shaqyramyn. GGG, saǵan qaraǵanda myqtyraqpyn. Senen eki ese az kezdesý ótkizsem de, jeńiske jetetinime senimdimin», – dedi Alım.
Aıta keteıik, ol buǵan deıin jeńilmegen ýkraınalyq Evgenıı Hıtrovty altynshy raýndta nokaýtqa túsirip, WBC Silver belbeýin ıemdengen. Osy jeńisinen keıin WBC-diń chempıony qazaqstandyq bylǵary qolǵap sheberimen kezdesýge múmkindigi týdy.