Shymkentte 2 elektr stansasynyń qurylysy júrýde. Bul týraly OQO aımaqtyq kommýnıkasııalar qyzmetinde ótken brıfıngte oblystyq energetıka jáne turǵyn úı-kommýnaldyq sharýashylyq basqarmasynyń basshysy M.Maraıym málimdedi, dep habarlady QazAqparat.
Onyń aıtýynsha, oblys turǵyndaryn sapaly elektr qýatymen qamtamasyz etý maqsatynda 2016 jyly oblystyq bıýdjetten 5,534 mlrd teńge bólinip, 22 nysannyń qurylysy júrgizildi. Nátıjesinde, 585,8 shaqyrym elektr jelisi men 233 dana KTP ornatylyp, 72 myń turǵyn turaqty jáne sapaly elektr qýatymen qamtylǵan.
«Shymkent qalasynyń soltústik bóliginde 350 myń turǵyn men áleýmettik nysandardy sapaly elektr qýatymen qamtý maqsatynda quny 6,7 mlrd teńgeni quraıtyn 220 kılovolttyq «Bozaryq» qosalqy stansasynyń qurylysy júrgizilýde. Sonymen qatar, 2016 jyly Shymkent qalasynda 80 myń halyqty qamtıtyn 110 kılovolttyq «Astana-1,2» qosalqy stansııasynyń qurylysy bastaldy», – dedi basqarma basshysy.
Belgili bolǵandaı «Ońtústik Jaryq Tranzıt» JShS-niń ınvestısııasy esebinen 4,86 mlrd teńgege 610,9 shaqyrym elektr jelisi men 108 dana qondyrǵylarǵa qaıta qurý jáne jańartý jumystary júrgizilgen. Osylaısha, elektr júıeleriniń tozyǵy jetýi 57,5 paıyzdan 55 paıyzǵa tómendep otyr.