Davosta ótip jatqan Dúnıejúzilik ekonomıkalyq forýmda Alibaba ınternet alpaýytynyń negizin qalaýshy Djek Ma AQSh-tyń jahandaný úrdisterinde jibergen keı qatelikterine toqtaldy.
"Amerıkanyń halyqaralyq kompanııalary jahandanýdan mıllıondaǵan dollar tabys tapty. Biraq bul kiris el ishinde ádil túrde taratylmaǵandyqtan, qarapaıym amerıkalyq azamattardyń narazylyǵyn týdyryp otyr", - dedi Djek Ma.
“О́zge elder amerıkalyqtardyń jumysyn tartyp alyp jatqan joq, Amerıka bıýdjettegi aqshany teńdeı bóle almaı otyr", - dedi.
Osy oraıda Djek Ma AQSh-qa jahandaný úrdisterin qaıta qarap shyǵý kerektigin aıtty.
“Men jahandanýdyń ıgiligine senemin, biraq ony azdap túzetý kerek", - dep túıindedi óz sózin Djek Ma.