Joǵary ázirlikpen kelip otyr

Birer kúnnen soń 2011 jylǵy 3 sáýirge taǵaıyndalǵan prezıdenttik saılaý ótedi. Saıası naýqanǵa elimizdegi saılaý ýchaskeleriniń daıyndyǵy qandaı? Osyǵan baıla­nys­ty biz Ortalyq saılaý komıssııasynyń múshesi T.V.OH­LOP­KOVAǴA birneshe suraq qoıǵan edik. – Tatıana Vıtalevna, Or­ta­lyq saılaý komıssııasy 28 naýryzda Qazaqstan Respýb­lı­kasynyń kezekten tys prezıdenttik saılaýyna sheteldik baıqaýshylar men halyq­ara­lyq uıymdardyń baıqaý­shy­laryn akkredıtteýdi aıaqtady. Aldymen osyǵan toqtalyp ótseńiz. – О́zińiz aıtqandaı, Ortalyq saılaý komıssııasy kezekten tys prezıdenttik saılaýǵa qysqa jáne uzaq merzimge kelgen baı­qaý­shylardyń barlyǵyn akkredıtteýdi aıaqtady. Olar eli­mizdiń Syrtqy ister mınıstr­liginiń usynymy boıynsha tirkeldi. Saılaýdy jalpy sany 1059 baıqaýshy baqylaıtyn bo­lady. Kezekten tys prezıdenttik saılaýdy baıqaýshylarmen qa­tar, Syrtqy ister mınıstrliginde tirkelgen sheteldik BAQ ókilderi de baqylaı alady. Bú­ginde Syrtqy ister mınıstrliginde ýaqytsha jáne turaqty tirkelgen sheteldik BAQ-tar ókil­deriniń sany 212-ge jetti. Osy jerde atap óteıin, Ortalyq saılaý komıssııasy sheteldik jáne halyqaralyq BAQ ókilderin tirkeýdi aıaqtady. Al Syrtqy ister mınıstrligi BAQ ókilderin saılaý ótetin kúnge deıin, tipti sol kúni de tirkeı beredi. Elimizdegi saıası partııalar men qoǵamdyq birlestikterdiń ókil­deri, prezıdenttikke kandı­dattardyń senim bildirilgen adam­dary jáne BAQ ókilderi de saılaýǵa baıqaýshy retinde qa­tysa alady. Ol úshin qazaq­stan­dyq baıqaýshylarda ózi ókildik etetin uıymnyń kýáligi bolýy tıis. Kýálikte azamattyń saı­laý­dy baqylaýǵa quqyǵy bar ekendigi jáne onyń aty-jóni kórse­ti­ledi. Sonymen birge, qujatty bergen uıymnyń móri men sol uıym jetekshisiniń qoly bolýy kerek. Al saılaýdy baqylaıtyn BAQ ókiliniń redaksııa bergen qyzmet­tik kýáligi jáne bul redaksııanyń tapsyrmasy ekendigin rastaıtyn tıisti haty bolsa jetkilikti. – Saılaý ýchaskeleriniń daý­ys berýge daıyndyǵy talap deńgeıinde me? – Elimiz boıynsha 9725 ýchaskelik saılaý komıssııasy quryl­dy. Olardyń árqaısysynyń jetiden múshesi bar. Qazir ýchaskelik saılaý komıssııalary saı­laý­shylardyń tizimderin naqty­laý jumystarymen aınalysýda. Árbir saılaýshy óziniń turaqty tirkelgen jeri boıynsha ýchaskelik saılaý komıssııasyna kelip, saılaýshylar tiziminde bar nemese joq ekendigin teksere alady. Eger saılaýshy 3 sáýir kúni ózi tirkelgen jerinde daýys bere almaıtyn bolsa, ýchaskelik saılaý komıssııasynan ýaqytsha esepten shyǵarý kýáligin alýyna bolady. Kýálik 2 sáýirge deıin beriledi. Osy kýálik arqyly onyń elimizdiń kez kelgen óńi­rindegi saılaý ýchaskesinde daýys berýge múmkindigi bar. Osy múmkindikti paıdalana otyryp, men elimizdegi 9 mıllıonnan astam saılaýshyǵa ózderi­niń azamattyq belsendilikterin ta­nytyp, saılaýshylar tizimimen aldyn ala tanysqandary jón der edim. Sonymen qatar, saı­laýshylardyń barlyǵyn 3 sáýirde saılaý ýchaskelerine kelip, ózderi tańdaǵan kandıdatqa daýys berýlerin ótingim keledi. – Burynǵyǵa qaraǵanda Astana men Almaty qalala­ryn­daǵy saılaý ýchaskeleriniń qa­ta­ry da kóbeıe túsken shyǵar. – Astana men Almaty – eli­mizdiń basty qalalary. Son­dyq­tan da bul qalalardaǵy kóshi-qon kórsetkishteri jıi ózgerip oty­ra­dy. Atalǵan qalalardaǵy ýchas­kelik saılaý komıssııalary­nyń sany da burynǵyǵa qara­ǵanda óse tústi. Jalpy, saılaý ýchaskeleri saıası naýqan – prezıdenttik saılaýǵa tolyq daıyn. – Saılaýaldy úgit jumys­taryna baılanysty túsken aryz-shaǵymdar bar ma? – Qazirgi kezde azamattardan 300-den astam aryz-shaǵym tústi. Tek Astananyń bir ózinen 160 shaǵym tústi. Olardyń basym kópshiligi Ortalyq saılaý ko­mıssııasynyń quzyryna múldem jatpaıtyn máselelerden tura­dy. Shaǵymdanýshylar arasynda úleskerler de bar. Biz olardyń problemalaryn túsinemiz. Biraq bul OSK-niń quzyryndaǵy má­sele emes. Sol sebepti shaǵym­danýshylarǵa tek túsindirý jumystaryn júrgizýmen ǵana shektelýge májbúrmiz. – Áńgimeńizge rahmet. Áńgimelesken Álısultan QULANBAI.