Belsendilikpen ótetinine senemiz

Otanymyzdaǵy jetekshi partııadan el prezıdenttigine kan­dıdatty qoldaý jónindegi  Petropavl qalalyq shtab tór­aǵasynyń orynbasa­ry Jasulan Ahmetovten saıası naýqanǵa ázirlik jóninde aı­typ berýin ótingen edik. – Shtab segiz baǵyt boıynsha úılesimdi jumys atqaryp keledi. Onyń quramy óńirge belgili tulǵalarmen, saıasatkerlermen,  ardagerlermen, jastarmen, úki­mettik emes uıym ókilderimen tolyqtyrylǵan. Shetterinen tá­jirıbeli, qoǵamdyq-saıası isterde ysylǵan jandar. Máselen, uıymdastyrý-buqaralyq ju­mys­tar bólimine Petropavl qa­lasynyń qurmetti azamaty Anatolıı Mıshın jetekshilik etedi. Halyq qalaýlysy  Aleksandr Ka­zansevke senim bildirilgen  adam­dardyń is-áreketin úılestirý júktelgen. Olardyń jalpy sany – 220. Budan tysqary 110 adamdy biriktiretin erikti volonterler toby bar. Shtabqa kelýshiler qatary da kóp. Olardy túrli saýaldar tol­ǵandyrady. Keıbirin jeke má­seleler mazasyzdandyrsa, endi bireýleri qoǵamdyq problema­lar­dy ortaǵa salady. Kez kelgen pikir, usynystyń qundy, ma­ńyzdy ekenin eskerip,  qoǵamdyq qabyldaýdy júıeli júrgizip oty­ramyz. Munyń ózi áleý­met­tik oı-pikirlerdi saraptap, zerdelep otyrýdyń taptyrmas quralyna aınaldy. О́tken aptada uıymdastyrylǵan qoǵamdyq qabyldaýǵa 25 petropavldyq kel­di. Olar da ártúrli máseleler boıynsha óz oılaryn ortaǵa saldy. Bárinen de adamdardyń  saıası belsendiliginiń artqany, oı-tolǵamdarynyń ózgesheligi qýantady. Jaqynda 500 adamdy qamtyǵan áleýmettik saýal júr­gizdik. Olardyń jaýaptary da aldaǵy saılaýdyń joǵary deń­geıde ótetinin aıǵaqtaıdy. Jýyr­da taǵy bir is-sharaǵa jumyla kirisip kettik. Ol «Úıden úıge deıin» dep atalady. Basty maqsaty – pá­ter ıelerimen aýyzba-aýyz sóı­lesip, oı-pikirlerin tyńdaý, problemalaryn bilý, saılaýǵa uıymshyldyqpen qatysýǵa úndeý. Men ózim Elbasynyń eki ret senim bildirilgen adamy bolý baqyty buıyrǵan janmyn. Bul jolǵy saılaýǵa da petropavl­dyq­tardyń úlken belsendilikpen qatysatynyna esh kúmán joq. Jazyp alǵan О́mir ESQALI. Soltústik Qazaqstan oblysy.