Baıqaýshylar saılaýǵa daıyn

Keshe «Qazaqstan Respýb­lı­kasynyń kezekten tys pre­zıdenttik saılaýyn baqy­laý jónindegi respýblıkalyq qoǵamdyq komıssııa» respýb­lı­kalyq qoǵamdyq birlestigi keńsesinde «KSBRQK» RQB baıqaýshylarynyń semınar-trenıngi qorytyndylandy. Saılaý kúni jaqyndap, oǵan tikeleı qatysy bar organdardyń kópshiligi búginde  óz daıyn­dyq­taryn qorytyndylaý ústinde. Saılaýdyń ádil ári joǵary deń­geıde ótýi – árbir qazaqstandyq úshin mańyzdy ekendigin aıtyp jatýdyń ózi artyq bolar. Ol aldymen ózimizge, keıingi kezekte búkil álemge syn bolmaq. Bul rette, saılaýdyń oıdaǵydaı ótýin, daýys berý kúngi úgit-na­sıhattardyń toqtatylýyn, Ata Zańymyzda kórsetilgen tártip júıesiniń saqtalýyn baqylaý sııaqty birqatar qyzmetter ar­naıy tirkelgen baıqaýshylarǵa júktelmek. 3 sáýirde ótetin Qazaqstan Respýblıkasynyń kezekten tys prezıdenttik saılaýyna búgingi kúni baıqaýshy retinde respýblıka boıynsha bes myńǵa jýyq adam tirkelgen. Olardyń basym kópshiligin, shamalap alǵanda, 80-90 paıyzǵa jýyǵyn stýdent-baıqaýshylar quraıdy eken. Odan ózge bul topta zeınetkerler men  qazaqstandyq erikti de belsendi azamattar bar. «QSBRQK» RQB aldyn ala tirkelgen baı­qaý­shylardy naýryz aıynyń 11-inen bastap arnaıy mamandardyń qa­tysýlarymen semınar-trenıngterden ótkizip, kúni keshe olarǵa baıqaýshy kýáligi men semınar-trenıngti aıaqtaǵany jónindegi sertıfıkatty saltanatty túrde tabystady. Is-sharaǵa RQB músheleri men baıqaýshylar, halyqaralyq jáne otandyq buqaralyq aqparat qu­ral­dary, ár túrli qoǵamdyq birlestikter, halyqaralyq uıym­dar, saılaý organdary, sondaı-aq prezıdenttikten úmitkerler­diń saılaýaldy shtaby men ha­lyqaralyq baıqaýshylarmen ju­mys júrgizetin ortalyq ókil­deri qatysty. Is-sharany «Qa­zaqstan Respýblıkasynyń kezekten tys prezıdenttik saılaýyn baqylaý jónindegi respýblı­kalyq qoǵam­dyq komıssııa» res­pýblıkalyq qoǵamdyq birlesti­giniń tóraǵasy Nurlan Erimbetov ashty. Ol azamattyq pozı­sııasy bar belsendi stýdent-baı­qaýshy jastar­ǵa alǵysyn bildirip, saılaýdaǵy basty qyzmet baıqaýshylardyń enshisinde eken­digine erekshe toqtalyp ótti. Sondaı-aq: «Saı­laýdyń erkin, ádil, ashyq ótýi – jas stýdent-baıqaýshylarǵa tikeleı baıla­nys­ty», – deı kele, semınar-trenıngti sátti aıaqta­ǵandarymen quttyqtady. Semınar-trenıngti saılaý quqyǵy sa­lasynda tájirıbesi bar mamandar, atap aıtqanda, zańgerler Mıhaıl Babýshkın men Imınjan Hadjıev, saıasattanýshy Marına Onýchko, psıholog Marına Pak, sonymen qatar,  tájirıbeshi Serik Erǵalı ótkizdi. Olar baıqaýshylardyń qorytyndy daıyndyqtaryn tek­serip, saılaý barysynda tártip­tiń qadaǵalanýyn, artyq qozǵa­lys­tardyń eshbiri baıqaýsyz qal­maýyn, ondaı jaǵdaılar týyn­daǵan kezde sol mezette-aq fo­toǵa túsirip nemese arnaýly senim telefondaryna habarlaýdy tapsyrdy. Is-sharanyń basty ereksheligi «KSBRQK» RQB óńirlik ókil­dik­teri men bólimsheleri semınar-trenıngke onlaın júıesi boı­yn­sha qatysýǵa múmkindik alýynda boldy. Onlaın júıesi arqyly Qyzylorda, Shymkent, Kókshe­taý jáne О́skemen qalalaryn­daǵy jergilikti baıqaýshylar kó­keılerinde júrgen saýal­da­ryn qoıyp, arnaıy mamandardan jaýap aldy. «KSBRQK» RQB-nyń qorytyn­dy semınar-trenıngi otandyq baı­qaý­shylardy daıyndaý, Qazaq­standaǵy saılaý úderisiniń bo­la­shaq kásipqoı mamandaryn qa­lyp­tastyrý isine negiz qalap qana qoımaı, sonymen birge, qo­ǵam­dyq bastamashy azamattar da­mýyn qalyptastyrýǵa úlken úles qosatyny anyq. Juldyz BAIDILDA. Astana.