Ardagerler oılaryn ortaǵa saldy

Qazirgi kezde 3 sáýir kúni ótetin kezekten tys prezıdenttik saılaýǵa baılanysty úgit-nasıhat jumystary jalǵasýda. Memleketimizdegi eń laýazymdy qyzmetke úmitkerler alys eldi mekenderden bastap, halyq toptasqan ortalardaǵy saılaýshylarmen kezdesý ótkizip keledi. Qazaqstan Kommýnıstik halyqtyq partııasynyń oblystyq bólimshesi Uly Otan soǵysy men eńbek ardagerleri arasynda kezdesý uıymdastyrdy. Jıynda Qazaqstan Kommýnıstik halyqtyq partııasy ob­lys­tyq komıtetiniń birinshi hat­shysy, bıýro múshesi Magerram Magerramov saıası naýqannyń maqsaty men atqarylatyn ju­mys­tar jaıly baıandady. Má­se­len, óńirdegi halyqtyń áleý­met­tik-turmystyq jaǵdaılaryn jaq­sartýdaǵy atqarylǵan ju­mys­tarǵa toqtalyp, táýelsiz eli­mizdiń 20 jyl ishindegi  qol jetkizgen tabystaryn júıelep aı­typ ótti. О́z kezeginde ardagerler de oı­laryn ortaǵa salyp, bıliktiń jumysyn pármendi etýdegi qo­ǵam­dyq uıymdardyń qosatyn úle­sin arttyrý qajettigin jetkizdi. Kommýnıstik halyqtyq partııa atynan prezıdenttik saı­laý­ǵa túsken Jambyl Ahmet­be­kovtiń saılaýaldy tuǵyrnamasy da talqylandy. О́ıtkeni, keshegi keńestik kezeńde ómir súrip, eńbek etken aǵa býyn kommýnıstik ıdeıanyń artyqshylyqtary men ózgeshelikterin umytpaǵan­dyq­taryn baıqatty. Halyq arasynda áleýmettik ádildik uranymen eńbek etip, kóptegen izgi murattardy maqsat etken partııanyń jolyn usta­nýshylar bar ekeni túsinikti. Osyn­daı saılaýshylarǵa arqa súıegen kommýnıster aldaǵy saılaýda óz jaqtastarynyń sa­nyn arttyrýǵa úmitti. – Eń negizgisi – egemen elimizde demokratııa prınsıpterin ul­ǵaıtatyn, halyqtyń jarqyn bolashaǵyna bastaǵan ıgilikter jet­kilikti, – dedi Magerram Ma­meduly. О́zimizdiń belsendiligimiz arqyly elimizde júrgizilgen jumystarǵa yqpal etip, altyn kópir bolýǵa umtylamyz. Son­dyqtan, erteńgi bolatyn saılaýda barshanyń azamattyq tańdaý­laryn jasaýy mindetti. Ardagerler elimizdiń bola­sha­ǵyn aıqyndaıtyn saılaýǵa bir kisideı qatysatyn bolyp tar­qady. Kúmisjan BAIJAN. Almaty oblysy.