Belsendilik – órkendeý belesi

Qazaqstan Respýblıkasy prezıdenttigine kandıdat, «Tabıǵat» ekologııalyq odaǵynyń tóraǵasy Mels Eleý­si­zov­tiń qoǵamdyq ómirdegi belsendi is-qyzmeti qaraǵan­dy­lyqtarǵa da jaqsy tanys. О́ndiris oryndary kóp sho­ǵyr­lanǵan aımaqtyń tabıǵatyna bas janashyr retinde biledi. Keshe jergilikti jurt úmitkermen kezdesýlerde kóńilin tolǵandyrǵan oı-maqsatyna tereńirek boılaı tústi. Mels Eleýsizov Qaraǵandyǵa saparynda aldymen «Qazaq­mys» korporasııasy» JShS-ge qaras­ty quıý-máshıne jasaý zaýytyna keldi. Ujym múshelerimen júz­desý kásiporynnyń 1-sehynda ótti. Burynnan da ortalarynan tabylyp júretin tanymal aza­matty jumysshylar jyly shy­raımen qarsy aldy. О́ziniń de ýaqyty tyǵyz, qatysýshy­lar­dyń da ýaqytyn almaý úshin birden bastalǵan áńgime qysqa da nusqa boldy. Elimizdiń basqa da aımaq­tary­na tán kóńil alańdatarlyq ekologııalyq jaǵdaı bas eko­log­qa belgili jáıt. Balqash kóliniń óndiris qaldyqtarynan odan saı­yn lastanýy, Nura ózenin­degi synaptyń shógindisi, Arqa­nyń osy basty arnasy taza­ly­ǵyn saqtaýǵa ázirge talaptyń bosańdyǵy, jeke menshik ıeligindegi sý qoımalarynyń qaraýsyz qalýy, Temirtaý men Balqashtyń tútinge býlyǵýdan arylmaýy jergilikti turǵyndardaı óz ja­nyna da qatty batatyny týraly tolǵana toqtalǵan prezıdentikke kandıdat barlyq jerlerge ortaq osyndaı máselelerdiń memlekettik deńgeıde sheshilýge tıisti kezi kelgendigin atady. Sóz oraı­yn­da ortaǵa salǵandaı, saılaýaldy baǵdarlamasy arqyly qoǵamnyń ekologııalyq jaǵdaıǵa barynsha nazar aýdarýyn kúsheıte túsý múmkin bolsa, maqsatynyń negizgi jeńisi sol bolmaq eken. Qor­shaǵan ortanyń jyldan-jylǵa bú­linip bara jatýyna kózjum­baılyqpen qaraýǵa endi tóze berýge bolmaıdy, jaǵdaıdy túze­ter­lik tyńǵylyqty is-sharalar qolǵa alynýy qajet. Bul rette qoldan kelgenshe kúsh-qabiletin aıanbaıtyndyǵyn sezdirdi. Mels Hamzauly, sonymen birge, kezdesýge qatysýshy­lar­men áńgimelesý barysynda al­da­ǵy ótetin saılaýdyń elimizdiń damýyna jańa jol ashatyn mańyzy asa zor saıası oqıǵa ekenin aıtty. Sondyqtan azamat­tar­dyń oǵan belsendilikpen qa­ty­syp, daýys berýi qajettigin atap ótti. «Barlyǵymyz qoǵamdyq ómirge belsene qatysqanda ǵana biz órkendeýdi óristete alamyz» dedi. Jınalǵandar tarapynan qoı­yl­ǵan saýaldarǵa jaýaptar qaıtarylyp, birqatar ózekti jaı­lardy tıisti oryndar aldy­na qoıyp, oryndalýyn baqylaýda ustaıtyndyǵyn bildirdi. Budan soń prezıdenttikten úmitker qaladaǵy quıý zaýyty eńbekkerlerimen kezdesti.О́tpeli kezeńde óndirisi toqyrap, búgin­de qaıta órlegen baıyrǵy kásip­oryn taý-ken shahta jabdyq­taryn, halyq tutynatyn taýarlar shyǵarýmen shuǵyldanady. Munda M.Eleýsizov óziniń saı­laýaldy baǵdarlamasynyń ma­ńyz­dy tustaryna toqtalyp, ony jan-jaqty túsindirdi. Saılaýshylarmen osyndaı suh­bat Qaraǵandy memlekettik teh­nıkalyq ýnıversıteti oqytý­shy­lary men shákirtteri arasyn­da jalǵasty. Qatysýshylarǵa Mels Hamzauly bilim berýdi jetildirý, jastar saıasatyna baı­la­nysty tuǵyrnamasyna qosymsha túsindirmeler jasady. Aıtyl­ǵan usynys-pikirler nazarda ustalatyndyǵy aıtyldy. M.Eleýsizov kezdesýshilerge oı órisi bıik, mádenıettilik ta­ǵylymy tereń, qoǵamdyq usta­nymy berik azamat turǵysynda jyly áser qaldyrdy. Aıqyn NESIPBAI, «Egemen Qazaqstan», Nurlan AMANULY, jýrnalıst. Qaraǵandy.