El óńirlerindegi qoldaý forýmdary

PETROPAVL. Oblys orta­ly­ǵynda «Nur Otan» HDP  el prezıdenttiginen úmit­ker retinde usynǵan Nursultan Nazar­baev­tyń kandıdatýrasyn qol­daý­ǵa arnalǵan forým ótti. Úsh myńnan astam adamdy qam­ty­ǵan aksııany respýblıkalyq saıası partııasy oblystyq fılıaly tóraǵasynyń birinshi oryn­ba­sa­ry Álibek Qartov kirispe sózben ashty. Ol 20 jyl ishinde Qazaq­stannyń da­mý­dyń sapalyq jo­lyna túskenin, N.Nazar­baev­tyń qajyrly da qarymdy saıasaty arqa­synda zor tabystarǵa qol jetkenin aıryqsha atap kórsetti. Forýmǵa qatysýshylardy el ishinde tatý-tátti tirshilikti baıan­dy etip otyr­ǵan úmitker úshin daýys berýge shaqyrdy. Soǵys jáne eńbek ardageri Stepan Bashkırov jasynyń 90-dy alqymdap qalǵanyna qara­mas­tan, úıde tynysh jata al­ma­ǵanyn, forýmǵa qatysýdaǵy maq­saty qysqa merzim ishinde jas memleketimizdi álemge tanytqan Nursultan Ábishulyndaı tulǵa­nyń aıryqsha eńbegin jastarǵa jetkizý paryzyn oryn­daǵaly kel­genin qarapaıym tilmen uq­ty­ra bildi. Basqa sóılegender de osy baǵytta oı sabaqtap, jı­nalǵandardy biraýyzdan N.Na­zarbaevqa daýys berýge shaqyrdy. *   *   * ShYMKENT. Qajymuqan atyndaǵy Or­ta­­lyq stadıonda Qazaqstan Respýblıkasy pre­zıdenttiginen úmitker Nursultan Nazar­baev­ty qoldaý maqsatynda «Jaqtastar forýmy» ótti. Oǵan «Qazaqstan-2020» Jal­py­ulttyq demokratııalyq kúshter koalısııa­synyń músheleri, «Nur Otan» HDP oblys­tyq, qa­la­lyq jáne aýdandyq fılıaldary­nyń tór­aǵa­lary, qoǵamdyq shtabtardyń jetekshileri men ókilderi, atap aıtqanda, 20000 adam qa­tys­ty. Forýmdy «Nur Otan» HDP ob­lystyq fılıaly tóraǵasynyń birinshi orynbasary, oblystyq qoǵamdyq shtabtyń jetekshisi Ulasbek Sádibekov júrgizdi. Forýmda elimizdegi jetistikter, halyq­ara­lyq arenadaǵy bedel, tabysymyz prezıdenttikke kandıdat N.Nazarbaevtyń esimimen tikeleı baılanystyryldy. Qazaqstan­nyń basty jetistikteri týraly beınefılm kórsetildi. Ońtústik Qazaqstan oblysy turǵyndarynyń atynan M. Áýezov atyndaǵy OQMÝ rektory Ýálıhan Bıshimbaev, Shym­kent qalasynyń №45 mektep-gımna­zııa­sy­nyń dırektory Roza Pak, «Nur Otan» HDP Shymkent qalalyq fılıalynyń tóraǵasy О́mirzaq Meldehanov, oblystyq máslıhat­tyń depýtaty, «Qaztransgaz» AQ Túlkibas bólimshesiniń dırektory Kelesbek Jar­ty­baev, t.b. sóz sóıledi. Forýmǵa qaty­sý­shylar Qazaqstan Respýblıkasy prezıdenttiginen úmitker N.Á. Nazarbaevqa qoldaý bildirip, sońy konserttik baǵdarlamaǵa ulasty. Qadyr Myrzalıev pen Eskendir Hasan­ǵalıevtiń ǵajap týyndysy – “Atameken” ánin jıyrma myń adam qosyla shyrqady. *   *   * ATYRAÝ. H.Dosmuhamedov atyndaǵy mem­lekettik ýnıversıtetiniń sport saraı­ynda Jalpyulttyq demokratııalyq kúshter koalısııasy uıymdastyrǵan forým bolyp ótti. Oǵan óńirdegi munaı-gaz ónerkásibiniń eńbek ujymdary, etnomádenı birlestikter, úkimettik emes jáne qoǵamdyq uıymdar músheleri, sondaı-aq, zııaly qaýym ókilderi men stýdent-jastar belsendilikpen qatysty. Forýmda aldymen sóz alǵan «Nur Otan» HDP Tóraǵasynyń birinshi orynbasary, Nursultan Nazarbaevtyń kandıdatýrasyn qoldaý jónindegi respýblıkalyq qoǵamdyq shtabtyń tóraǵasy Nurlan Nyǵmatýlın el ómirindegi oń ózgerister, jemisti jetistikterdi prezıdenttikten úmitker N.Nazarbaevtyń saıasatymen baılanysty órbite kelip: – Nursultan Nazarbaev Qazaqstandy álem tanyǵan áleýetti elder deńgeıine kóter­di. Ekonomıkamyz órkendedi. О́rkenıet ta­labyna saı ár óńirde, ár aýdanda, ár aýyl­da mektepter men densaýlyq saqtaý ǵıma­rat­tary, mádenıet úıleri men sport saraılary boı kóterýde. Halyqtyń turmysy jaqsardy. Bolashaqta da eldiń mereıin, halyqtyń tur­mysyn kóteretin jarqyn jobalar júzege as­qaly otyr. Mine, osyndaı oıǵa alǵan jasampaz isterdiń jemisin kóre berýimiz úshin, jal­ǵasyn taba berýi úshin Nursultan Ábish­ulymen birge bolyp, bolashaqtyń irgesin birge qalaıyq, – dedi. Budan keıin ortaǵa Parlament Sena­ty­nyń depýtaty, «Nur Otan» HDP Saıası ke­ńe­siniń múshesi Qýanysh Sultanov, «Ádilet» demo­kra­tııalyq partııasynyń tóraǵasy Maqsut Nárik­baev jáne Parlament Máji­lisi­niń depýtaty Vladımır Nehoroshev shyǵyp sóıledi. Bu­lar­dyń árqaısysy Qazaqstan ekonomıkasy táýel­sizdiktiń 20 jylynda jasampazdyqpen órken­degenin, elimizdiń ishki-syrtqy saıasatynda demokratııalyq úrdistermen bederlengen oń ózgeristerdiń bolǵanyn tilge tıek etti. Forýmda Qazaqstannyń óner sheberleri konsert berdi. «Egemen Qazaqstannyń» tilshileri.