Keshe Qazaqstan Respýblıkasy Prezıdentiniń Ákimshiligi Basshysynyń orynbasary T.S.Donaqovtyń tóraǵalyǵymen Qazaqstan Respýblıkasy Prezıdentiniń janyndaǵy Quqyqtyq saıasat jónindegi keńestiń kezekti otyrysy bolyp ótti.
Keńestiń otyrysynda «Qazaqstan Respýblıkasynyń keıbir zańnamalyq aktilerine zańdy tulǵalardyń qylmystyq jaýapkershiligin engizý máselesi boıynsha ózgerister men tolyqtyrýlar engizý týraly» Zańnyń jobasyna qatysty másele qaraldy.
Sondaı-aq qylmystyq ister boıynsha sotqa deıingi is júrgizýdi ári qaraı jetildirý jónindegi sharalar týraly másele qarastyryldy.
Atalǵan máseleler boıynsha Ekonomıkalyq jáne sybaılas jemqorlyqpen kúres agenttiginiń jáne Parlament Májilisiniń Zańnama jáne sot-quqyqtyq reforma jónindegi komıtetiniń, sondaı-aq Qazaqstan Respýblıkasy Bas prokýratýrasynyń aqparattary tyńdaldy.
Quqyqtyq saıasat jónindegi keńestiń ótkizgen otyrysynyń usynystary Qazaqstan Respýblıkasyndaǵy zańnamany jáne quqyq qoldaný qyzmetin ári qaraı jetildirýde eskeriletin bolady, dep habarlady Qazaqstan Respýblıkasy Prezıdentiniń Ákimshiligi Memlekettik-quqyq bólimi.