Qazaqstannyń basym bóliginde atmosferalyq aǵymdardyń ótýine baılanysty qar jaýyp, burqasyn, kóktaıǵaq bolyp, tuman túsip, jel kúsheıedi, dep habarlaıdy «Qazgıdromet».
Aqmola, Solústik Qazaqstan, Pavlodar oblystarynda jeldiń ekpini sekýndyna 15-20 metrge, keı jerlerde 23-28 metrge deıin jetedi.
Almaty oblysynda jeldiń jyldamdyǵy sekýndyna 15-20 metr bolady, Jalańashkól aýdanynda jel sekýndyna 23-28 metr jyldamdyqpen soǵady. Túnde keı jerlerge tuman túsedi.
Jambyl, Ońtústik Qazaqstan oblystarynyń keı jerlerinde tuman túsip, jeldiń ekpini sekýndyna 15-23 metrge deıin jetedi.
Qyzylorda, Mańǵystaý oblystarynyń keı jerlerinde tuman túsip, kóktaıǵaq bolady.
Atyraý, Qaraǵandy oblystarynda burqasyn, kóktaıǵaq bolyp, sekýndyna 15-23 metr jyldamdyqpen jel soǵady.
Batys Qazaqstan, Aqtóbe oblystarynyń keı jerlerinde burqasyn bolyp, jeldiń ekpini sekýndyna 15-20 metrge jetedi.
Qostanaı oblysynda burqasyn, tuman bolyp, sekýndyna 15-20 metr jyldamdyqpen jel soǵady.
Shyǵys Qazaqstan oblysynda da burqasyn bolyp, jeldiń ekpini sekýndyna 15-20 metrdi quraıdy.