Syrtqy ister mınıstrligi Italııada bolǵan iri jol apaty kezinde balalardyń qurban bolýyna baılanysty Vengrııa halqyna kóńil aıtty, dep habarlaıdy QazAqparat.
«Vengrııa halqyna Verona qalasyndaǵy jol apatynda balalardyń qurban bolýyna baılanysty shyn nıetpen kóńil aıtamyz jáne zardap shekkenderdiń jyldam saýyǵyp ketýlerin tileımiz», delingen kóńil aıtý hatynada.
Aıta keteıik, Italııada avtobýstyń apatqa ushyraýyna baılanysty 16 adam qurban bolyp, 26 adam aýrýhanaǵa jetkizildi. Jergilikti quqyq qorǵaý organdary ókilderiniń málimetinshe, týrısterge arnalǵan avtobýs Fransııadan Vengrııaǵa kele jatqan. Onda barlyǵy 55 adam bolǵan. Jolaýshylardyń deni muǵalimder, oqýshylar men ata-analar bolatyn. Qaıǵyly jaǵdaı juma kúni túnde Verona qalasynda bolǵan. Qutqarýshylardyń aıtýynsha, avtobýs baǵanaǵa soǵylyp artynan órt shyqqan.