BUU-nyń arnaıy elshisi Staffan de Mıstýra senbiden jeksenbige qaraǵan túni Sırııadaǵy jaǵdaıǵa baılanysty halyqaralyq kelissózderge qatysý úshin Qazaqstanǵa keldi, dep habarlady QR Syrtqy ister mınıstrligi.
QR Syrtqy ister mınıstrligi baspasóz qyzmetiniń jetekshisi Ánýar Jaınaqovtyń aıtýynsha, Qazaqstanǵa BUU-nyń Bas hatshysynyń Sırııa boıynsha arnaıy elshisi Staffan de Mıstýradan basqa osy ýaqytta elimizge Reseı, Túrkııa, Iran elderi men Sırııa oppozısııasynyń ókilderi keldi. Ol sonymen qatar búgin keshke deıin elimizge Sırııa úkimeti delegasııasynyń keletindigi týraly aıtty.
«AQSh-tyń atynan Sırııa máselesi boıynsha ótetin kelissózderge osy eldiń Qazaqstandaǵy elshisi qatysady», - dedi Jaınaqov.
Esterińizge sala ketsek, Sırııa máselesi boıynsha ótetin halyqaralyq kelissózder Astanada 23 qańtar kúni bastalady.