Jeńimpazǵa rýh bergen

Almatydaǵy Dostyq úıinde Qazaqstan halqy Assambleıasynyń qoldaýymen «Qazaqstan – tek alǵa!» atty jastardyń patrıottyq aksııasy ótti Elbasymyz – Qazaqstan Respýblıkasynyń Tuńǵysh Prezıdenti Nursultan Nazarbaev Astanada ótken Táýelsizdiktiń 25 jyldyq mereıtoıynda ja­­saǵan baıandamasynda beı­­bitshilik elshisine aınal­ǵan sportshylarymyz týra­ly­ tebirene sóılegeni ha­lyq­tyń­ esinde. Sonda el sport­shy­­larynyń atynan jaýap sóz aıt­qan Olımpıada chempıondary Dmı­trıı Balandın men Danııar Eleýsinovtiń sózine Elbasymyz da, jınalǵan halyq ta zor zeıin qoıdy. «Qurmetti Nursultan Ábishuly! О́zińizdiń «Qazaqstan – alǵa!» degen sózińizdi eli­mizdiń resmı uranyna aınal­dy­rý nıetimiz bar. Bul barsha qazaqstandyqtardyń máńgilik uranyna aınalar edi», – dedi Olım­pıada jeńimpazdary. Merekelik jıynǵa qatysýshylar qoshemet tanytyp, Elbasynyń ózi Danııardyń atyn atap, bul urandy qoldaıtynyn bildirgen bolatyn. Sodan beri elimizdiń ár aımaqtarynda osy baǵyttaǵy patrıottyq ıgi sharalarda bul uran kóterińki leppen aıtylyp keledi, qoldaý sharalary uıym­dastyrylýda. Respýblıkalyq «Jarasym» jastar birlestiginiń Almatyda ótetin HHVIII Dúnıejúzilik qysqy Ýnıversıada qarsańynda joǵarydaǵy saltanatty eli men Elbasy qoldaǵan sharaǵa úılestirip ótkizýi de tekten-tek emes. Qazaqstan jastary arasynda Otanǵa degen patrıotızm men aýyzbirlikti nyǵaıtý búgingi jıynǵa basty uran etip alynýy da sondyqtan. Jastarǵa úlgi bolyp júrgen tanymal sport sańlaqtary jınalǵandar aldynda jigerli sóz sóılep, sportshylarymyzǵa jeńis tiledi, jastarymyzdyń júregine otanshyldyq sezim qonýyn tiledi. Olardyń arasynda Qazaq­stan alpınısteri qurama koman­dasynyń kapıtany, álemge ta­nymal alpınıst Maqsut Ju­maev, grek-rım kúresinen Olım­pıada chempıony Iýrıı Mel­nıchenko, kıkboksıngten álem chempıony Mıhaıl Nádirov jáne basqalar bar. Qazaqstannyń atynan uly dúrmek – «Ýnıversıada-2017» qysqy oıyndar sportshylaryna rýh bergen saltanatty jıynǵa qoǵam qaıratkerleri men mem­lekettik organdardyń ókilderi, etnomádenı birles­tikterdiń jetekshileri men sportshylar, stýdent jastar qatysty. Jı­nalǵan qaýym bolashaǵy jar­qyn jas memleketimizdiń tek sportta ǵana emes, elimizdiń damýynyń barlyq salasynda únemi alda bolatynyna senim bildirdi. «Qazaqstan – tek alǵa!» degen uran aıtyldy. Talǵat SÚIINBAI, «Egemen Qazaqstan» ALMATY