Aldyn ala málimetter boıynsha, 2016 jyly Qytaıdyń kúnnen alatyn energııasy 34,24 gıgavatty quraǵan. Al 2015 jyly bul kórsetkish 15,16 gıgavatt bolǵan edi. Al 2014 jyly Qytaı 10,6 gıgavatt kún energııasyn tutynǵan. Osylaısha sońǵy úsh jylda Qytaı kúnnen alatyn qýatty úsh esege, al bir jylda eki esege arttyryp otyr, dep jazady zakon.kz.
Qytaıdyń bul jetistigi álem boıynsha kún energetıkasy salasyna da jańalyq boldy. 2016 jyly túrli málimetter boıynsha dúnıe júzinde 70 (keı derekterde 76) gıgavatt kún energııasy alynǵan. Osynyń teń jartysy Qytaıdyń úlesinde.
Tipti, Qytaıdan ózge memleketterde de kúnnen energııa alatyn qurylǵylar negizinen Qytaıdan shyqqan buıymdar. Bes-alty jyl buryn Qytaı kúnnen energııa alý turǵysynan Eýropa elderinen qalyp kele jatqan bolsa, qazirde álem boıynsha adamdardy osy salada jumyspen qamtý jáne naqty ónim alý turǵysynan Qytaı kóshbasshy memleketke aınalyp úlgerdi.
2020 jylǵa qaraı el bıligi kúnnen alatyn qýatty 105-110 gıgavattqa deıin jetkizýdi josparlap otyr.