EHRO-2017 halyqaralyq mamandandyrylǵan kórmesi ótetin kezde ishki ister organdarynyń qyzmetkerleri, IIM oqý oryndarynyń kýrsanttary, Qorǵanys mınıstrliginiń áskerı qyzmetkerleri jáne memlekettik emes kúzet qurylymdarynyń qyzmetkerleri, barlyǵy 9 myńǵa jýyq adam qoǵamdyq tártipti qadaǵalaýǵa jáne qaýipsizdikti saqtaýǵa jumyldyrylady. Bul týraly Astana ákimdiginiń baspasóz qyzmeti habarlady.
Qazirgi ýaqytta kórme kesheniniń aýmaǵynda nysandardyń qurylysy jáne paıdalanýǵa tapsyrý kezeńinde elordalyq IID 100-den asa qyzmetkeri, Ulttyq ulan jaýyngerleri qaýipsizdikti táýlik boıǵy rejimde qamtamasyz etýde, olarǵa baqylaý-ótkizý rejimin uıymdastyrý jáne jaıaý patrýldeý qyzmetteri júktelgen.
Kórme qalashyǵynda ýchaskelik polısııa beketi jumys isteıtin bolady, onda 6 ýchaskelik polısııa ınspektory qyzmet atqarady.
Sonymen qatar, kórmeniń logıstıkalyq ortalyǵy da qoldanysqa engiziledi, onda avtokólikterdi tekserý eki mobıldi ınspeksııa-tekserý keshenimen júrgiziledi. 16 polısııa qyzmetkeri kiretin keshenderdiń personaly arnaıy oqytyldy, sonyń ishinde radıasııalyq qaýipsizdikti qamtamasyz etý boıynsha da daıyndyqtan ótti.
Astanada ótetin EHRO-2017 halyqaralyq mamandandyrylǵan kórmesi 2017 jyldyń 10 maýsymynda ashylyp 10 qyrkúıekke deıin jalǵasady. Pavılondardy daıyndaýǵa 100-den asa memleket pen 10-nan asa halyqaralyq uıym qatysady.