2017 jyldyń 28 qańtary 9 aqpany aralyǵynda Almaty garnızonynyń jeke quramy kúsheıtilgen túrde jumys isteıdi, dep habarlaıdy QazAqparat.
«Qoǵamdyq tynyshtyqty saqtaýǵa barlyǵy 7 700 ishki ister organdarynyń qyzmetkeri tartylady. Olardyń 5 300-i Almaty jáne Almaty oblysy IID-niń qyzmetkerleri bolsa, Ulttyq ulannan 1 myń jaýynger, Qorǵanys mınıstrliginen 1 myń sarbaz sapta turady. Sondaı-aq, ózge aımaqtyq ishki ister departamentterinen 150 qyzmetker jumyldyrylady», - dedi QR IIM orynbasary Erlan Turǵymbaev.
Budan bólek, tekserý, baqylaý oryndarynda ıisshil ıttermen 46 kınolog pen 16 jarylǵysh tehnıkteri jumys atqarady. Sonymen qatar, Ýnıversıada nysandarynda metall anyqtaý detektorlary qoıylǵan 96 arna júıesi bolady. Ýnıversıada nysandarynda kedergi 100 beton blok qoıylsa, eki myńǵa jýyq beınebaqylaý kameralary úzdiksiz jumys isteıtin bolady.
Aıta keteıik, búgin Qazaqstan Premer-Mınıstriniń birinshi orynbasary Asqar Mamın Ýnıversıada nysandary: «Halyq arena», sport kesheni, «Suńqar» shańǵy tramplıni, «Almaty arena» sport kesheni jáne Atletıka aýylynyń daıyndyǵyn tekserdi.