Senat depýtaty Darhan Qydyráli dıplomatııalyq mıssııasy aıaqtalǵan Mońǵolııanyń Qazaqstandaǵy Tótenshe jáne ókiletti elshisi Dorj Baıarhýýmen kezdesti.
Kezdesý barysynda Qazaqstan-Mońǵol yntymaqtastyǵynyń parlamenttik baılanys jónindegi aralyq qorytyndylary shyǵaryldy. Keıingi jyldary eki el arasyndaǵy ózara is-qımyl jańa deńgeıge kóterilgeni atap ótildi. Taraptar parlamentaralyq dıplomatııanyń qarqyn ala túskenin aıta kelip, saıası dıalogtiń nyǵaıǵanyna jáne joǵary deńgeıdegi baılanystardyń turaqty sıpatyna nazar aýdardy.
Saýda-ekonomıkalyq jáne mádenı-gýmanıtarlyq yntymaqtastyqty damytý, sondaı-aq eki eldiń parlamentteri arasyndaǵy ózara is-qımyldy keńeıtýdiń mańyzdyly týraly da aıtyldy. Qatysýshylar birlesken birqatar is-sharanyń tabysty iske asyp kele jatqanyna toqtaldy, halyqaralyq jáne kópjaqty alańdar aıasyndaǵy tıimdi yntymaqtastyq týraly áńgime órbitti.
Elshi óziniń dıplomatııalyq mıssııasy kezeńinde kórsetken qoldaýy úshin rızashylyǵyn bildirip, Qazaqstan men Mońǵolııa arasyndaǵy dostyq qarym-qatynas deńgeıine joǵary baǵa berdi.