Quqyq qorǵaý organdary turaqty tirkelgen jerinde turmaıtyn jáne ýaqytsha tirkeýi joq azamattarǵa naýryzdyń ortasyna deıin aıyppul salmaıdy, dep habarlaıdy QazAqparat.
Bul normatıvtik-quqyqtyq aktiler Úkimet tarapynan qaýlymen bekitilmeýine baılanysty bolyp otyr. Ony bekitý merzimi aqpan aıynyń sońyna deıin josparlanǵan. Sonymen qatar, qujat BAQ-ta resmı túrde jarııalanǵannan soń 10 kúnnen keıin kúshine enedi.
«Zańǵa qosymsha akt bekitilgenshe, búginde ákimshilik zańnama normasy qoldanylmaıdy. Sondyqtan da naýryzdyń ortasyna deıin ákimshilik jaýapkershilikke bizde eshkim de tartylmaıdy. Turǵyndar asyqpastan HQKO nemese elektrondyq úkimet portaly arqyly óz tirkeýlerin rásimdeý úshin bir jarym aı ýaqyty bar», – dedi QR IIM kóshi-qon polısııasy departamentiniń basshysy Serik Saıynov.
Osy oraıda ol turǵylyqty jeri boıynsha tekserý tek Almatyda ǵana ótkenin eske salyp ótti. Bul shara qysqy Ýnıversıada qarsańynda iske asyryldy.
«Qalǵan óńirlerde naýryzdyń ortasyna deıin quqyq qorǵaý organdary qandaı da bir tekserýler jasamaıdy, tirkeýdi talap etpeıdi», – dedi S. Saıynov.