Astanada ótip jatqan Sırııa máselesin retteý jónindegi kelissózderdiń alǵashqy kúni aıaqtaldy.
«Búgingi kelissóz oıdaǵydaı ótti dep esepteımiz. 2016 jyldyń 29 jeltoqsanynda qol qoıylǵan kelisimge garant bolǵan úsh eldiń qatysýmen, sondaı-aq BUU hatshylyǵynyń ókili Staffan de Mıstýra men Qazaqstandaǵy AQSh Elshisiniń, SAR delegasııasy men Sırııa qarýly oppozısııasy ókilderiniń qatysýymen ótken kezdesý asa mańyzdy dep baǵalaımyn», – dedi RF delegasııasynyń basshysy Lavrentev.
Onyń aıtýynsha, Astanadaǵy Sırııa máselesi boıynsha kelissózdiń qorytyndy málimdemesiniń mátini kelisilip jatyr. Ony beısenbi kúni qatysýshylarǵa tanystyryp, naqty bekitedi.