Qoǵamdyq qabyldaý qarymy joǵary

«Nur Otan» partııasy Tóraǵasynyń bi­rin­shi orynbasary Muh­tar Qul-Muham­med partııanyń Respýb­lıkalyq qoǵam­dyq qabyldaý bólme­sinde azamattardy qa­byldady. Onda Muh­tar Qul-Muham­med Astana turǵyn­dary­nyń ótinishterine erekshe nazar aýdardy. Partııa Tóraǵasynyń bi­rin­shi orynbasary astana­lyq­tardy negizinen qalany abat­tandyrý men onyń ınfra­qu­rylymyn damytý máse­leleri alańdatatynyn atap ótti. «Men halqymyzdyń As­ta­naǵa degen erekshe yqyla­syn tolyq qoldaımyn. Sebe­bi, Elbasymyzdyń abyroı, be­deliniń arqasynda elorda­myz álemdik arenada ja­han­dyq aýqymdaǵy forým­dar men jo­ǵary deńgeı­degi kezdesýlerdi ótkizý orta­ly­ǵyna ǵana emes, sony­men qatar, geosaıası daý-jan­jal­dardy retteıtin jańa alańǵa aınalyp úlgerdi. Búgin As­ta­na qalasynda bastalǵan Sırııa máselesi boıynsha kelis­sózder sonyń aıqyn bir dáleli. Onyń ústine, aldaǵy jaz­da bas qalamyzda iri EKSPO-2017 halyqaralyq kórme­si jumysyn bastaıdy. Bul – búkil álemniń nazary elor­da­myzǵa aýady degen sóz. Búgin­de dúnıe júzi Asta­nany Qazaq­stannyń brendi sanaıdy. Son­dyqtan onyń ár kóshesi, ár aý­lasy, ár ǵıma­raty jáne bar­lyq ınfraqu­ry­lymy elorda de­gen atqa laıyq, joǵary deń­geıde bolýy tıis», – dedi Muh­tar Qul-Mu­hammed. Partııa Tóraǵasynyń bi­rinshi orynbasary ótkizgen qo­ǵamdyq qabyldaýda alǵashqy bolyp Tutynýshylar men kásip­ker­lerdi qorǵaý odaǵynyń bas­qarma tóraǵasy Vıktor Syz­dykov óz ótinishin jetkizdi.  Ol «Bir úı – bir birlestik – bir esep» ustanymyn engizý arqyly kóp páterli turǵyn úılerdi bas­­qarýǵa arnalǵan jańa jobany júzege asyrý úshin qoldaý surap kelgen eken. Muhtar Qul-Muhammed Vıktor Syz­dy­kovtyń bul bastamasyna qol­daý bildirdi. Soǵan oraı ol par­tııanyń Astana qalalyq fılıa­lynyń basshylyǵyna ja­ńa jobany jan-jaqty zerttep, oń baǵa berilgen jaǵdaıda ony júzege asyrýǵa kómek kór­setý jóninde tapsyrma berdi. Partııaǵa PIK-tiń ústinen aryz-shaǵymdardyń udaıy túsip turatyny jasyryn emes. О́ıtkeni, bul – búginde elor­da­­lyqtardyń ózekti másele­leri­niń biri. Máselen, par­tııa Tóraǵasy birinshi oryn­ba­sary­nyń qabyldaýyna kelgen­der­diń biri, astanalyq Vası­lıı Pasechko ózi turatyn úıde jylý men ystyq sý máse­lesi jıi kez­desetinin jetkiz­di. Onyń sózine qaraǵan­da, bul – PIK-tiń jaý­apsyz­dy­­ǵynyń saldary. Son­dyq­tan V.Syzdykov «Nur Otan» par­tııasynyń atalǵan máseleniń oń sheshilýine yqpal jasaýyn surady. Al taǵy bir qala turǵyny Záýresh Jumadilova anasy tu­ratyn úıge múmkindigi shekteýli jandarǵa arnalǵan pandýs pen baspaldaq taıanyshyn ornatý úshin kómek surap kelgen eken. Sebebi, múgedek arbasyna tańylǵan anasyna dalaǵa kirip-shyǵýdyń ózi ońaı sharýa emes. Búgingi qabyldaýda belgili bolǵan turmystyq-áleýmettik máselelerdiń qatarynda qo­ǵam­­dyq jerlerdegi tynysh­tyq­tyń buzylýy da bar. Má­selen, Astana turǵyny Oksana Sottır Respýblıkalyq qoǵam­dyq qabyldaý bólmesine syra dúkeniniń ústinen shaǵym­danyp keldi. Onyń aıtýynsha, atalǵan dúken ózi turatyn úıdiń birinshi qabatynda orna­lasqan. Túngi ýaqytta saýda núk­­tesiniń aýmaǵynda ty­nysh­­­tyq rejimi jıi buzylady. Tur­­ǵyndardyń quqyq qorǵaý or­gan­­daryna jasaǵan shaǵym­da­ry esh nátıje bermegen­dik­ten, O.Sottır «Nur Otan­nan» kómek suraýǵa májbúr bolǵan. Qabyldaýda bolǵan «Je­beý» respýblıkalyq qoǵam­dyq birlestiginiń tóraǵa­sy Ádilbek Omaráli elimiz­ge ke­le­tin sheteldik týrıs­terdi ýa­qytsha tirkeý máse­le­sin jeńil­detý jóninde óz usy­nysyn aıt­ty. «EKSPO-2017 ha­lyq­aralyq kórmesine baılanys­ty qazirdiń ózinde As­ta­naǵa aǵyl­ǵan týrısterdiń sany artýda. Olardyń eli­mizde ózderin meı­linshe jaıly sezinýleri úshin Qazaqstan zańnamalaryna sáı­kes týrıs­terdi tirkeý talaptary jeńil­dese durys bolar edi», – dedi Á.Omaráli. Al Tutynýshylardyń qu­qy­ǵyn qorǵaý jónindegi qaýym­das­tyqtyń vıse-prezı­denti Han­zada Baltaeva aýla­lardy abat­tandyrý men qa­lany kógal­dan­dyrý máselesi boıynsha óz pikirin bildirdi. Ol buǵan qatys­ty jumysty jan­­dandyrý kerek dep sanaı­dy. Barlyq ótinish ıesin mu­qııat tyńdaǵan Muhtar Abrar­uly par­tııanyń Astana qala­lyq fı­lıalynyń basshy­lyǵyna Res­pýb­lıkalyq qoǵam­dyq qabyl­daý bólmesinde kó­te­rilgen ár máse­leni naq­ty saralap, tıisti sha­ralar­dy qabyldaýdy tapsyrdy. Sondaı-aq, partııa basshy­sy­nyń birinshi orynbasary olar­dyń árqaısysy óziniń jeke ba­qy­laýynda bolatynyn da aıtty. Búginde elimiz boıynsha «Nur Otan» partııasynyń 231 qo­ǵam­dyq qabyldaý bólmesi ju­mys isteıdi. О́tken, ıaǵnı 2016 jyly atalǵan qabyldaý bólme­lerine 226 284 adam óz ótinish­teri boıynsha kelgen. Olar­dyń 90 919-y – «Elek­trondy qoǵamdyq qa­byldaý» júıesi, 10 949-y – «jedel jeli» jáne 5 313-i «Whatspp» messendjeri arqyly ótinish bildirgen. Partııanyń qoǵamdyq qabyl­daýyna kelgen qazaq­stan­­dyqtar máselesiniń 23 pa­ıyzy der kezinde oń she­shimin tapty. Al 70 paıyzyna zań aıasynda keńester beri­lip, túsindirme jumys­tary júrgizildi. Soǵan oraı aza­mattarǵa ózderin tolǵan­dyr­ǵan máselelerdi memlekettik organdar arqyly sheshýge múmkindik týdy. О́tinishterdiń qalǵan 7 paıyzy boıynsha búginde jumystar júrgizilýde. Nurlybek DOSYBAI, «Egemen Qazaqstan»