Avstralııa bıligi áýejaılardaǵy tólqujattyq baqylaýdan bas tartqan álemdegi alǵashqy el atanbaq. Olar jolaýshylardyń bıometrııalyq málimetterin tirkeıtin sensorly júıe ornatýdy kózdep otyr, dep jazdy Qazaqparat moya-planeta.ru saıtyna silteme jasap.
Buǵan deıin Avstralııanyń keı áýejaılary tólqujatty avtomatty túrde tekseretin SmartGates júıesin engizgen. Jańa mehanızm odan ári jetildirilmek. Ol 2020 jylǵa qaraı ornatylyp, jolaýshylardyń 90 paıyzyn janasýsyz teksere alady. Bul álemniń barlyq jolaýshylaryna avstralııalyq áýejaılarda ózin yńǵaıly sezinýine múmkindik beredi. Tekserý úshin olardy toqtatýdyń qajeti bolmaıdy. Jolaýshy dálizden ótip bara jatqanda, júıe olardyń málimetterin oqyp úlgeredi.
Ázirge jobany júzege asyrý boıynsha daıyn sheshimder joq. Bılik júıeni ázirleýge tenderdi endi ǵana jarııalady. Jobanyń alǵashqy synamalyq nusqasy shilde aıynda Kanberrada (júıe Sıngapýr men Vellıngtonnan kelgen jolaýshylardy tekseredi) iske qosylady dep kútilýde. Al qarasha aıynda Sıdneı men Melbrýn qalalary qosylady, dep habarlady The Sidney Morning Herald.