AQSh prezıdenti Donald Tramp Aq úıde amerıkalyq iri kompanııa basshylarymen kezdesip, bıliktiń jeke sektorǵa qysymyn azaıtyp, memlekettiń bıznesti retteý tetikterin qysqartyp, salyqty azaıtýǵa ýáde etti. Sonymen qatar Aq úı basshysy amerıkalyq kompanııa ónimderin syrtta óndirip qaıta elge ımporttaıtyndarǵa jazany kúsheıtetinin eskertti, dep jazady investing.
Tramp birer kún buryn ótken ınaýgýrasııa rásiminde AQSh-tyń burynǵy ónerkásiptik qýatyn qalpyna keltiretinin aıtqan edi.
Aq úıdegi kezdesýde Tramp Ford, Dow Chemical, Dell Technologies, Tesla jáne ózge de jergilikti iri kompanııa basshylarymen áńgimelesti. Kezdesý barysynda prezıdent qazirgi 35 paıyzdyq salyqty 15-20 paıyzǵa túsiretinin aıtty.
Sonymen qatar Tramp memlekettik retteý sharalaryn 75 paıyzǵa deıin azaıtatynyn aıtty.