«Lıverpýl» komandasynyń burynǵy kapıtany Stıven Djerrard klýbtyń jastar ujymyna jattyqtyrýshy bolǵannan keıin armany jaıly aıtyp berdi. Bul týraly eurosport.ru habarlady.
«Mundaı jaýapty qyzmetke ornalasqanyma azdap qobaljyp júrmin. Áli úırenerim kóp, sondyqtan bapker retinde damý úshin qolymnan kelgenniń baryn jasaımyn. Kúnderdiń birindi kózi qaraqty jattyqtyrýshylardyń biri nemese bas jattyqtyrýshy bolsam deımin. «Lıverpýldiń» negizgi quramyna jetekshilik etý, shamasy meniń úlken armanymnyń biri bolar. Biraq ol kúnge jetý úshin áli talaı synnan ótip, shyńdalýym qajet», – aǵylshyn fýtbolshysy.
Al jankúıerlerdiń ystyq yqylasyna bólengen «qyzyldardyń» bas bapkeri Iýrgen Klopp onyń bul armanyna jetý úshin, bilikti maman ıesi ataný úshin kómektesetinin aıtty.
«Stıven ekeýimiz uzaq áńgimelestik. Eń birinshi onyń basty maqsatyn bilgim keldi. Ol oılanbastan fýtbolda ózindik ornyn qalyptastyrǵan jattyqtyrýshy bolýdy armandaıtynyn aıtty. Jurt onyń qandaı fýtbolshy ekenin jaqsy biledi. Al endi jańa jolda oǵan bilgenimniń bárin úıretýge ýáde beremin», – dedi Klopp.
Aıta keteıik, fýtbolshylyq ǵumyryn dál osy klýbtan bastaǵan Djerrard 18 jyldyń ishinde 710 matchqa qatysyp, 185 goldyń avtory atanǵan.