Almatynyń «Qaırat» fýtbol klýby jaqyn arada ekinshi oqý-jattyǵý jıynyn bastaıdy. Bul týraly sports.kz habarlady.
Búgin tańerteńgisin komanda oıynshylary, jattyqtyrýshylar alqasy, ákimshilik qyzmetkerleri Túrkııaǵa attanyp ketti. Oqý-jattyǵý jıyny 8 aqpanǵa deıin sozylady. Osy ýaqyt aralyǵynda tórt joldastyq kezdesý josparlanyp otyr. Qarsylastary jaıly ázirge belgisiz.
Alǵashqy jıyn dál osy elde 5-19 qańtar aralyǵynda uıymdastyrylǵan.
Aıta keteıik, elimizde fýtbol maýsymy QR Sýperkýbogynyń oıynymen bastalady. Almatynyń «Ortalyq» stadıonynda «Qaırat» pen «Astana» kezekti ret kúsh synasady.