QR Ulttyq banki «Qazaqstannyń halyq banki» AQ men «Qazkommersbanki» AQ arasyndaǵy kelissózderdiń bastalǵandyǵy týraly aqparatqa oraı pikir bildirdi, dep habarlaıdy QazAqparat.
«Ulttyq bank «Qazaqstannyń halyq banki» AQ men «Qazkommersbanki» AQ arasyndaǵy kelissózderdiń bastalǵandyǵy týraly bankterdiń mendjmenti men aksıoneri tarabynan habar aldy. Qarjy naryqtaryndaǵy jahandanýdyń jalǵasýy jáne ıntegrasııalyq prosesterdiń kúsheıýi jaǵdaıynda bank sektorynyń shoǵyrlaný tendensııasy kóptegen elderge, onyń ishinde Qazaqstanǵa da tán», - dedi QR UB tóraǵasynyń orynbasary Oleg Smolıakov.
Onyń aıtýynsha, mámile naqty júzege asyrylǵanǵa deıin bankter Ulttyq banktiń kelisimin alýy tıis. Bul rette Ulttyq bank bankterdiń barlyq depozıtteri men kredıtorlarynyń múddelerin qorǵaı alatyn, sonymen birge bank bıznesin turaqty damytýǵa qarjysy bar iri aksıonerlerge ǵana kelisim beredi.
«Sondaı-aq qazaqstandyq zańnamaǵa sáıkes, «Qazaqstannyń halyq banki» AQ men «Qazkommersbanki» AQ talqylap otyrǵan mámileniń ýaqytsha shekteýi joq ekendigine de nazar aýdarý qajet», - dep atap ótti Smolıakov.