Qaraǵandy jáne Aqtóbe oblystaryndaǵy respýblıkalyq mańyzy bar joldardyń qozǵalysyna shekteý qoıyldy. Bul týraly «Qazaqavtojol» baspasóz qyzmeti habarlady.
Búgin, 24 qańtar kúni Qaraǵandy oblysynda aýa raıynyń qolaısyzdyǵyna (qar, burqasyn, kórý múmkinshiliginiń bolmaýy) baılanysty «Jezqazǵan-Petropavl» tas jolynyń Ulytaý aýylynan Qostanaı oblysyna deıingi bóligi (177-330 shaqyrym aralyǵy) barlyq kólikter úshin jabyldy.
Dál osyndaı sebeppen Aqtóbe oblysynda «Aqtóbe-Atyraý-Astrahan» tas jolynyń Shubarqudyq aýylynan Atyraý oblysynyń shekarasyna deıingi bóliginde (136-252 shaqyrym aralyǵy); «Qandyaǵash-Emdi-Shalqar-Yrǵyz» tas jolynyń Qandyaǵash qalasynan Shalqar qalasyna deıingi bóliginde (0-257 shaqyrym aralyǵy); «Samara-Shymkent» tas jolynyń Qobda aýylynan Marjanbulaq aýylyna deıingi bóliginde (618-703 shaqyrym aralyǵy) barlyq kólikter úshin shekteý qoıyldy.