Zeınetaqy júıesi eńbek ótiline negizdelýi múmkin. Senator Amangeldi Nuǵmanov jasqa baılanysty emes, eńbek ótiline negizdelgen zeınetaqy júıesine kezeń-kezeńimen kóshýdi usyndy. Onyń pikirinshe, bul qadam eldegi áleýmettik saıasatty jańǵyrtyp, eńbekke yntalandyrýdy kúsheıtedi, dep jazady Egemen.kz.
Senatordyń aıtýynsha, Qazaqstan adamı kapıtaldy damytýǵa basymdyq beretin jańa damý kezeńine aıaq basty. Osyǵan baılanysty Áleýmettik kodeksti jańartyp, zeınetaqy júıesin eńbek naryǵynyń qazirgi talaptaryna beıimdeý qajet. Ol qazirgi «jasqa qaraı zeınetke shyǵý» úlgisinen bas tartyp, azamattarǵa eńbek ótili jetkilikti bolǵan jaǵdaıda zeınetke shyǵý ýaqytyn óz betinshe anyqtaý quqyǵyn berýdi usynady.
Nuǵmanovtyń pikirinshe, mundaı tásil birqatar mańyzdy nátıjelerge jetkizedi:
jumyssyzdyq deńgeıin tómendetedi; masyldyq kózqarasty azaıtady; azamattardyń eńbekke jaýapkershiligin arttyrady; merziminen buryn negizsiz zeınetke shyǵýdy tejeıdi; memlekettik bıýdjet pen Biryńǵaı jınaqtaýshy zeınetaqy qoryna túsetin júktemeni azaıtady.Onyń sózinshe, bul ózgeristerdiń nátıjesinde zeınetaqy júıesinde qarjylyq teńgerim nyǵaıa túsedi.
Qazaqstan zeınetkerler úshin eń qolaıly elder reıtıngine endi
Senator sondaı-aq qazirgi zańnamadaǵy birqatar olqylyqtarǵa toqtaldy. Atap aıtqanda, múgedektik belgilenbeı, biraq densaýlyq jaǵdaıyna baılanysty jumys isteýi qıyndaǵan azamattarǵa merziminen buryn zeınetke shyǵý tetigi joq. Qoldanystaǵy júıe tek resmı múgedektikti tanýǵa baǵyttalǵan, al sozylmaly jáne kásibı syrqattary bar adamdardyń jaǵdaıy jetkilikti eskerilmeıdi.
Osyǵan baılanysty ol Áleýmettik kodekske ózgeris engizip, densaýlyq saqtaý salasynyń ýákiletti organy bekitetin aýrýlar tizbesi negizinde medısınalyq aıǵaqtar arqyly zeınetaqy taǵaıyndaý múmkindigin qarastyrýdy usyndy. Mundaı tetik eńbekke qabilettiligin joǵaltqan azamattarǵa qoldaý bolmaq.
Sonymen qatar eger adamnyń densaýlyǵy jaqsaryp, eńbekke qabilettiligi qalpyna kelse, onyń qaıta jumys isteý quqyǵy saqtalýy tıis degen usynys ta aıtyldy.
Áıelderdiń zeınetke shyǵý jasy ózgeredi
Senator kótergen bastama – zeınetaqy júıesin jańǵyrtýǵa baǵyttalǵan keshendi ózgeristerdiń biri. Ol eldegi áleýmettik ádilettilikti arttyryp qana qoımaı, eńbek naryǵyndaǵy jańa talaptarǵa saı ıkemdi júıe qalyptastyrýǵa múmkindik berýi múmkin.
Pavlodar oblysynda kıberpolıseıler zeınetkerdiń 5 mln teńgesin alaıaqtardan saqtap qaldy