2 sáýir kúni tańerteńnen bastap Jerde geomagnıttik qubylystar baıqala bastady. Ǵalymdardyń aıtýynsha, bul qubylys Kúndegi koronaldyq tesiktiń áserinen týyndap otyr, al aldaǵy saǵattarda magnıttik daýyl kúsheıýi múmkin, dep jazady Egemen.kz.
Kún astronomııasy zerthanasynyń málimetinshe, Jerge áser etip jatqan negizgi faktor – Kún tájindegi plazmanyń tyǵyzdyǵy men temperatýrasy tómen aımaq, ıaǵnı koronaldyq tesik. Sonyń saldarynan jaqyn arada magnıttik daýyldyń G1-G2 deńgeıi (bes baldyq shkala boıynsha) kútilip otyr.
Astronomdar Kúndegi belsendilik qalypty deńgeıde bolǵanymen, onyń qaýipti aımaqqa jaqyn ornalasqanyn aıtady.
«Kún dıskisiniń ortalyq bóligine iri daqtar toby shyǵyp keledi. Dál osy aımaq naýryz aıynyń sońynda sońǵy eki aıdaǵy jalǵyz X deńgeıli jarqyldy týdyrǵan edi. Mundaı jaǵdaıda plazma bulttary Jerge tikeleı baǵyttalýy múmkin, sonyń saldarynan radıasııalyq daýyl qaýpi joǵarylaıdy», deıdi mamandar.
Kúnde qýatty jarqyl tirkeldi: Jerge qalaı áser etýi múmkin?
Ǵalymdardyń boljamynsha, koronaldyq tesiktiń áseri 2-3 sáýir kúnderi aıqyn seziledi.
Ádette G1-G2 deńgeıindegi álsiz magnıttik daýyldar aıtarlyqtaı qaýip týdyrmaıdy. Degenmen, keıbir jaǵdaılarda: – energetıkalyq júıelerde bolmashy aýytqýlar baıqalýy múmkin; – radıobaılanysta álsiz kedergiler týyndaýy yqtımal; – magnıt órisine táýeldi janýarlardyń kóshý baǵytynda ózgerister bolýy múmkin.
Kún betinde alapat jarylys týdyra alatyn energııa jınaqtalyp jatqan bolýy múmkin
Sonymen qatar, sezimtal adamdarda jeńil álsizdik nemese bas aýrýy baıqalýy yqtımal.
Al eger geomagnıttik belsendilik G3 jáne odan joǵary deńgeıge jetse, onda: – spýtnıktik júıeler men GPS jumysyna áser etýi múmkin; – baılanys júıelerinde irkilister bolýy yqtımal; – polıarlyq shuǵyla burynǵydaı ońtústik endikterde kórinýi múmkin.
Mamandar jaǵdaıdy baqylaýda ustap otyr jáne qajet bolǵan jaǵdaıda qosymsha aqparat beriletinin habarlady.
Kún betinde aýqymdy jarylys boldy