Almatydaǵy Ýnıversıadaǵa Mońǵolııa elinen 15 adam, sonyń ishinde 10 sportshy jáne 5 resmı tulǵa keledi, dep habarlaıdy QazAqparat.
Ýnıversıadanyń baspasóz qyzmeti habarlaǵandaı, quramaǵa engen sportshylar shańǵymen júgirý jáne konkımen júgirý sportynda oıyn kórsetedi.
Qysqy Ýnıversıada oıyndarynda Mońǵolııa jalaýyn Sochıdegi Olımpıada oıyndaryna qatysqan Chınbatyn Otgonseseg kóterip shyǵady. Mońǵolııa delegasııasynyń basshysy jáne Mońǵolııa stýdenttik sport odaǵynyń atqarýshy dırektory Ch. Erdenetýıaa Mońǵolııa quramasynyń basty maqsaty medal alý emes ekenin, kerisinshe, sportshylarynyń jeke kórsetkishterin jaqsartýdy kózdep otyrǵanyn atap ótti.
Aıta keteıik, Mońǵolııa qysqy stýdenttik oıyndarǵa 1991 jyldan bastap qatysyp keledi.