Elorda turǵyndarynyń jáne EHRO-2017 qonaqtarynyń azyq-túlik qaýipsizdigin qamtamasyz etý maqsatynda Astana qalasynyń tutynýshylardyń quqyqtaryn qorǵaý departamenti jáne elordalyq IID Jergilikti polısııa qyzmeti EHRO-2017 kórmesi ótetin kezeńge is-qımyl josparyn ázirledi.
Jospardyń sheńberinde ótken jyly tamaq ónerkásibiniń aspazdyq, nan jáne nan-toqash, et, shujyq ónimderin, syra-alkogolsiz sýsyndar men aýyz sý óndirýshi kásiporyndardyń basshylarymen 30 semınar-keńes ótkizildi. Bazarlardyń, qoǵamdyq tamaqtaný oryndarynyń, saýda núkteleriniń jáne basqa da ShOB nysandarynyń ıelerine keńester berildi. Sonymen birge, aıryqsha tártip boıynsha (josparly) jáne jospardan tys negizde meıramhanalar, dámhanalar, ashanalar, festfýd jáne basqa da kásiporyndar 238 qoǵamdyq tamaqtaný nysany jáne 180 saýda nysany tekserildi. Nátıjesinde, 326 kásiporynnyń ıesi jalpy somasy 14 200 mln teńge kóleminde aıyppul salýmen ákimshilik jaýapkershilikke tartyldy, jumysqa ruqsat beretin medısınalyq kitapshalardyń bolmaǵany úshin 596 adam jumystan shettetildi. Kásiporyn basshylarynyń atyna halyqtyń sanıtarlyq-epıdemıologııalyq saýlyǵy salasyndaǵy Qazaqstan Respýblıkasynyń zań talaptaryn buzýdy joıý týraly 326 uıǵarym joldandy. Qaıtalama tekserýler barysynda uıǵarymdardyń negizgi bóligi belgilengen merzimde oryndalǵany anyqtaldy, tek eskertýdi elemegen bes qoǵamdyq tamaqtaný kásiporny men úsh saýda nysanynyń materıaldary 462 b. 3 b. boıynsha tıisti sharalar qabyldaý úshin aýdanaralyq ákimshilik sotqa joldandy.