Astana ákimi Áset Isekeshev etnomádenı birlestikterdiń basshylarymen kezdesti. Ol memlekettik etnosaıasatty júzege asyrý barysymen tanysyp, Qazaqstan halqy Assambleıasy ókilderiniń usynystary men pikirlerin tyńdady. Bul týraly elorda ákimdiginiń baspasóz qyzmeti habarlady.
О́z kezeginde, qala basshysy bıyl álemdik deńgeıdegi EKSPO-2017 kórmesi ótetinin atap kórsetti. Onyń mádenı baǵdarlamasynyń sheńberinde Qazaqstan halqy Assambleıasynyń qatysýymen kóptegen konserttik, kórme jáne dıalog alańdary josparlanyp otyr.
«Sol sebepti etnomádenı birlestikterdiń nátıjeli jumys isteýi úshin barlyq jaǵdaı jasalady», – dedi Á.Isekeshev.
Sondaı-aq, kezdesý barysynda ákim etnomádenı birlestikterdiń ókilderin belsendi qaıyrymdylyq qyzmeti úshin alǵys hattarmen marapattady. Qalalyq QHA áleýetin nyǵaıtý jáne onyń qyzmetiniń tıimdiligin qamtamasyz etý maqsatynda 2014 jyly ákimdiktiń janynan «Qoǵamdyq kelisim» KMM quryldy. Astana qalasynyń Qazaqstan halqy Assambleıasynyń quramynda 23 etnomádenı birlestik, 12 jeksenbilik mektep, 10 jastar qanaty, 30-dan asa shyǵarmashylyq ujym qyzmet etedi. Jalpy, qalalyq Assambleıanyń qatarynda 5 myńnan asa adam bar, sondaı-aq 5 qoǵamdyq kelisim keńesi, ǵylymı-sarapshy top, analar keńesi jumys isteıdi.