Qazaqstan Respýblıkasy Qaýipsizdik Keńesi Prezıdent-hatshysynyń kómekshisi V.Jumahanovtyń qatysýymen IIM alqasynyń keńeıtilgen otyrysy ótti. Onda ishki ister organdary jedel-qyzmettik jumysynyń 2016 jylǵy jumys qorytyndysy jáne aldaǵy ýaqyttaǵy mindetteri talqylandy.
Jıynda Ishki ister mınıstriniń orynbasarlary baıandama jasap, qylmystyq-atqarý júıesi jáne tótenshe jaǵdaılar komıtetiniń, sonymen birge ishki ister organdarynyń birqatar aýmaqtyq bólimsheleriniń basshylary esep berdi. Onda Memleket basshysy N.Nazarbaevtyń qylmystyq áreketterden azamattardyń quqyǵyn qorǵaý jáne quqyqtyq tártipti qamtamasyz etýge qatysty alǵa qoıǵan mindetterin iske asyrý, ishki ister organdary jedel-qyzmettik jumysynda oryn alyp otyrǵan olqylyqtardy joıý, jemqorlyqqa qarsy kúresti kúsheıtý, tártip pen zańdylyqty qamtamasyz etý, ishki ister organdary jeke quramynyń qyzmet ádebi normalaryn saqtaý máseleleri talqylandy.
Sondaı-aq, jol qaýipsizdigi jáne quqyq buzýshylyqtardyń aldyn alý, qoǵamdyq tártipti saqtaýdy qamtamasyz etýge baılanysty jergilikti polısııa qyzmetiniń jumysy talqylanyp, jedel izdestirý qyzmeti, qylmystardy ashý jáne zańsyz esirtki aınalymynyń jol kesý, tergeý men anyqtaý qyzmetiniń sapasyn kóterý máseleleri de jan-jaqty qaraldy.
Qylmystyq-atqarý júıesi men tótenshe jaǵdaılar bólimsheleri qyzmetiniń qorytyndysy qaralyp, probasııa qyzmetin odan ári damytý sharalary, sondaı-aq qutqarý qyzmetiniń aldyna qoıylǵan mindetter sóz boldy.
Ishki ister mınıstri Q.Qasymov bıyl IIM júıesiniń qyzmeti azamattardyń qaýipsizdigin qamtamasyz etýdiń jalpy deńgeıin kóterý, sonyń ishinde Almaty qalasynda búkilálemdik qysqy Ýnıversıada oıyndaryn jáne Astana qalasynda EKSPO-2017 halyqaralyq kórmesin ótkizý kezinde qaýipsizdikti qamtamasyz etýge baǵyttalǵanyn atap ótip, barlyq qaralǵan máselelerge qatysty naqty tapsyrmalar berdi, dep habarlady .