15 jastaǵy qazaqstandyq shabýylshy Kárim Meńdiqanov «Barselona» klýbymen kelisimshartqa otyrdy, dep habarlaıdy Egemen.kz Sports.kz-ke silteme jasap.
«Ispanııanyń jasóspirim fýtboly halyqaralyq talanttardy ózine tarta bastady, al qazir nazar aýdaratyn oıynshylardyń biri – Kárim Meńdiqanov. 2011 jyly týǵan jas fýtbolshy Qazaqstannan shyǵyp, «Barselonaǵa» kelisimshartqa otyrdy jáne kelesi maýsymda klýbqa qosylady», dep habarlady Mundo Deportivo portaly.
Kárim 2022 jyly Ispanııaǵa kelgen jáne sol ýaqyttan beri Katalonııadaǵy fýtbol júıesinde jattyǵyp keledi. О́tken maýsymda ol «Serdanola» klýbynda óner kórsetip, joǵary deńgeıdegi oıyn qabiletin kórsetti.
Osy maýsymda Meńdiqanov «San-Kýgat» klýbyna aýysyp, oń qanattaǵy vınger retinde komandadaǵy mańyzdy oıynshylardyń biri boldy. Onyń jyldamdyǵy, jeke qarsylastardy aınalyp ótý qabileti ony chempıonattaǵy basty shabýylshylardyń birine jáne lıganyń úzdik assıstentteriniń birine aınaldyrdy.
Oıynshynyń sheberligi birneshe Ispan klýbtarynyń nazaryn aýdarǵanymen, ol sońynda «Barselona» usynysyn qabyldady. Kárim resmı túrde kelesi maýsymda «sıne-granatovye» sapyna qosylady. Sonymen qatar, Meńdiqanov «Barselona» jastar quramasymen birneshe jattyǵý ótkizdi, bul onyń klýbqa tez beıimdelýine kómektesedi.
Dastan Sátpaev álemniń úzdik 50 jas fýtbolshysynyń qataryna endi
О́tken maýsymda ol «Serdanola» klýbynda oınasa, bıylǵy jyly «San-Kýgatqa» aýysyp, komandanyń kóshbasshysy atandy. Osy jerde onyń sheberligi úlken klýbtardyń skaýttarynyń nazaryn aýdardy.
Kárim Meńdiqanov «Barselona» qurylymynda kelisimshartqa otyrǵan alǵashqy qazaqstandyq fýtbolshy boldy.
Eń qymbat fýtbolshy: «Bolonıa» klýby Omar Muradovty rekordtyq somaǵa satyp aldy