Jańadan salynǵan turǵyn úı keshenderiniń eń qymbat quny Astana, Atyraý men Almaty qalalarynda tirkeldi, dep habarlaıdy Qazaqparat.
QR Statıstıka agenttiginiń málimetteri boıynsha, ótken aıda Astanadaǵy bir páterdiń ortasha quny sharshy metrine 338 myń teńgeni quraǵan. Bul jańa úılerdiń jalpyulttyq ortasha baǵasynan 136,8%-ǵa joǵary.
Atyraýda – 326 myń teńge (131,9%-ǵa joǵary), Almatyda – 304 myń teńge (123,1%).О́z kezeginde Astanada ortasha jalaqy 207 myń teńge kóleminde tirkelse, Atyraýda – 279 myń teńge, Almatyda – 174 myń teńge.
Jańadan salynǵan eń arzan turǵyn úıdi Jezqazǵanda jáne Taldyqorǵanda satyp alýǵa bolady, onda sharshy metri 90 myń teńgeden saýdalanýda, Tarazda – 116 myń teńge. Atalmysh baǵalar «О́ńirlerdi damytý-2020» baǵdarlamasy aıasynda salynyp jatqan páterlerdiń baǵasy. Aıta keteıik, Qaraǵanda oblysynda ortasha jalaqy – 123 myń teńge, Almaty oblysynda – 102 myń teńge, Jambyl oblysynda 94 myń teńgeni quraıdy.
Jalpy respýblıka boıynsha, 2016 jyldyń jeltoqsan aıynda aldynǵy aımen salystyrǵanda páter quny 0,3 paıyzǵa, 2015 jylmen salystyrǵanda 3,6 paıyzǵa tómendegen. Baspana quny Shymkentte – 24 paıyzǵa, Aqtóbede – 13,7 paıyzǵa, Semeıde – 11,9 paıyzǵa, Kókshetaýda – 11,8 paıyzǵa kúrt túsken.