Almatyda «Ádiletti jáne Progressıvti Qazaqstannyń Halyqtyq Konstıtýsııasy úshin!» jalpyulttyq koalısııasy músheleri mádenıet salasy ókilderimen kezdesti, dep habarlaıdy Egemen.kz.
Koalısııa delegasııasyn Premer-mınıstrdiń orynbasary – Mádenıet jáne aqparat mınıstri Aıda Balaeva basqardy. Jıynǵa Parlament Májilisiniń depýtaty Sergeı Ponomarev, Abaı atyndaǵy Qazaq ulttyq pedagogıkalyq ýnıversıtetiniń basqarma tóraǵasy – rektory Bolat Tilepov, «Qazaqstandyq qoǵamdyq damý ınstıtýty» basqarma tóraǵasy Juldyzaı Ysqaqova jáne medıamenedjerler, akterler, prodıýserler qatysty.
Kezdesý jańa Konstıtýsııa jobasyn jáne aldaǵy referendým taqyrybyna arnaldy. Jalyn Tileýbergen Konstıtýsııa jobasy Memleket basshynyń kótergen bastamalary men halyq suranysy kórinis tapqan ıdeologııalyq qujat ekenin aıtty. Onyń pikirinshe, mádenıet pen kıno salasynda eńbek etip júrgen jastar úshin árbir qundylyq shyǵarmashylyq keńistikke tikeleı qatysy bar.
«Mádenıet – sol ıdeologııanyń taratýshysy, al kıno – onyń eń yqpaldy quraly. Jańa Konstıtýsııa jobasyn zerdeleı kele, onyń shyn máninde ıdeologııalyq qujat ekenine kóz jetkizdim. Sebebi onda mańyzdy bastamalar men halyqtyń ortaq suranysy kórinis tapqan. Jańa Konstıtýsııanyń 23-babynyń birinshi jáne ekinshi tarmaqtarynda «Sóz erkindigine, ǵylymı, tehnıkalyq, kórkem shyǵarmashylyq erkindigine kepildik beriledi» jáne «Zııatkerlik menshik zańmen qorǵalady» dep naqty kórsetilgen. Iаǵnı, el damýynyń ózegine adamdy, onyń bilimi men mádenıetin qoıady. Bul biz sııaqty jas rejısserler, akterler, ssenarıster, sýretshiler úshin úlken múmkindik. О́ıtkeni endi shıkizat emes, ıdeıa basty resýrs retinde moıyndalady», dedi kınoprodıýser.
Sonymen qatar ol Konstıtýsııanyń qundylyqtyq irgetasynda ádilettilik uǵymy jatqanyn da sóz etti. Qatysý mádenıeti men sıfrlyq dáýirdegi qaýipsizdik zamanaýı óner úshin jańa taqyryptarǵa jol ashatynyn jetkizdi.
Reseıdegi otandastarymyz jańa Konstıtýsııa boıynsha referendýmda daýys bere alady
«Ádilet – kez kelgen dramatýrgııanyń da, kez kelgen myqty fılmniń de júregi. Ádilet bar jerde senim bar. Senim bar jerde qoǵamda turaqtylyq pen yntymaq qalyptasady. Jańa Konstıtýsııa adam qadir-qasıetin eń joǵary qundylyq retinde bekitedi. Bul – mádenıet úshin negizgi fılosofııalyq ustanym. Eger biz Konstıtýsııadaǵy qundylyqtardy shyǵarmashylyq tilmen jetkize alsaq, onda qoǵamda jańa sapadaǵy azamattyq sana qalyptasady jáne erkin oılaýǵa, ulttyq bolmysty saqtaýǵa jáne ádiletti qoǵam qurýǵa baǵyttalǵan», dep túıindedi Jalyn Tileýbergen.
Rıza Súıindik: Konstıtýsııa – bılik úshin emes, halyq úshin jazylǵan negizgi zań
Kezdesý sońynda qatysýshylar aldaǵy referendýmdaǵy tańdaý men ár azamattyń jeke jaýapkershiligi týraly sóz qozǵaldy. Sondaı-aq konstıtýsııalyq normalardyń tıimdi júzege asýy memleket pen qoǵam arasyndaǵy senimdi arttyrýdyń basty sharty ekeni aıtyldy.